Ŋakit. 8:15 - Ebaibul

¹⁵ Erae aŋuna kaŋ ipukatotor ŋirwosi, erae aŋuna kaŋ etubioto ŋikepukak ŋakiro anakiyookino.

Ŋakit. 8:15 Iomraidhean Croise

1 Ŋirw. 10:9

Akipuro toyai neni ke Ekapolon Akuj kon, ŋina alakari a ŋuna kon, ido ikiinak iyoŋ akiboikin lokicoloŋ ikwapei erwosit a ŋituŋa a Isirael. Aŋuna ka amina ka Akuj Ŋisirael ŋikaru ka ŋikaru, ikituruwo iŋes iyoŋ erwosit, ikotere itubi ŋakiro anakiyookino ka kitiyae ŋuna iyookino.”

1 Ŋirw. 3:28

Kiirasi Ŋisirael daadaŋ epite ŋolo kebunio erwosit totubio ŋakiro ŋun; min akereru neni kec aŋuna a erwosit, anerae apotu ikes kiŋolikis aosou ŋina ka Akuj ŋinatubet ŋakiro iyookino eyai neni a erwosit.

1 Ŋirw. 3:9

Aŋun inakinae ayoŋ eketiyan kon ŋatameta ŋuna eyenete ŋakiro ŋuna ka akipuka ŋituŋa kon, ikotere oyenunia ŋuna ajokak ka ŋuna aronok; anerae ŋae epedori akipuka ŋituŋa kon lu ŋulu alalak?”

1 Ŋirw. 5:7

Ani iirari Kiram ŋakiro a Solomon tolelyan nooi tema, “Kipuroe Ekapolon akoloŋit na aŋuna ainakinia Daudi ikoku ŋinisapat ŋini aoson, ŋini ipukae ŋituŋa keŋ ŋulu alalak nooi ŋul.”

1 Ŋakiro a ŋirwa 28:5

Alodwe kaŋ a ŋulusapa a daadaŋ, ikwapei akainakinia Akuj ŋulu alalak, adau Akuj aseun Solomon akiboikin lokicoloŋ toruwor erwosit a Isirael daadaŋ, alotooma apukan ŋina erae ŋina ke Ekapolon.

2 Ŋakiro a ŋirwa 1:10

Inakinae ayoŋ aosou ka ayenut, ikotere apedori akirik ŋituŋa lu, anerae ŋae epedori akipuka ŋituŋa kon lu ŋulu alalak?”

2 Ŋakiro a ŋirwa 1:11

Toboŋok Akuj Solomon tema, “Aŋuna eraakar acamit ke etau kon ŋin, ido nyiŋita iyoŋ ayoŋ ŋiboro ŋulu alalak, ebari, kori apolou, nyiŋita daŋ atemar tomunyarae ŋimoe kon, nabo daŋ nyiŋita iyoŋ ayoŋ ainakin iyoŋ akiyar ŋina aoyan, nai iŋita iyoŋ aosou ka ayenut, ikotere ipukae ŋituŋa kaŋ ŋulu adau ayoŋ ainakin iyoŋ toruwor erwosit kec,

Ŋikiru. 2:10

Aŋun nai tokona, iyes ŋirwosi toosokyoto; iyes ŋikepukak ŋulu ka akwap, tocoikisi ŋakiro ŋun.

Ŋikiru. 99:4

Okoe Erwosit ŋolo etiron, imina iyoŋ akiyookino, idau iyoŋ akiwuakin akiyookino Isirael; idau iyoŋ ayaun akiyookino ka akitub ŋakiro anakiyookino.

Ŋakit. 29:4

Ani kipuka erwosit akwap keŋ anakiyookino, itogogoŋi akwap keŋ, nai ani kemina iŋes ŋakaluŋuluŋui, ikurukuroori akwap keŋ todaun.

Ŋakit. 8:16

Erae aŋuna kaŋ ipukatotor ŋikepukak, erae aŋuna kaŋ ipukatotor ŋikapolok daadaŋ anakiyookino.

Isa. 1:26

Enyakakini ayoŋ ŋikatubok ŋulu ajokak neni kon ikwapei ayakatar ekiŋaren ka ŋikesirworiunak ŋulu ajokak neni kon ikwapei ayakatar ekiŋaren. Ekaku a ŋun, ikinyarao iyoŋ Yerusalem etaun ŋolo ka akiyookino ka ŋolo a akikinyoma.

Yer. 33:15

Alorwa a ŋul ka anapaki a ŋin, etolomuni ayoŋ ateni ŋina iyookino aloletok a Daudi, itiyae iŋes anakwap ŋuna ecamunitae ka ŋuna iyookino.

Dan. 2:21

Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Dan. 4:25

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ. Inyami iyoŋ ŋinya ikwa enyamyata ŋaatuk, ikitopalalete iyoŋ ŋakopi ŋuna alokidiama, irubakini iyoŋ ikoni nen ŋikaru ŋikanikaarei akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Ŋirom. 13:1

Itemokino ŋinituŋanan tokerite ŋikapolok ŋulu ka apukan, anerae neni ka Akuj iŋes ebunitor apolou daadaŋ ka erae Akuj einakinit ikes apolou.

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”

1 Sam. 16:1

Tema Ekapolon neni a Samuel, “Tari ori igworo iyoŋ aŋuna a Saul? Adau ayoŋ akiŋer iŋes anaraakau erwosit a Isirael, kilelebik akimyet namomwara ŋina itiŋit iyoŋ, ido tonyou tolot; ekeyakiyari ayoŋ iyoŋ neni a Yese a ŋolo eyai Betelem. Adau ayoŋ aseun aŋuna kaŋ epei a ŋidwe keŋ a ŋulusapa aruwor erwosit.”

1 Sam. 9:17

Ani iŋolikini Samuel Saul, tema Ekapolon neni a Samuel, “Ekile ŋolo akalimokinit ayoŋ iyoŋ iŋes ŋol. Iŋes emaikina kipuka ŋituŋa kaŋ.”