Ŋakit. 6:23 - Ebaibul

²³ Erae ŋakiciketa ŋun etaa aneni kon ka erae ŋakitatameta ŋun akica aneni kon erae ŋuna ebookoi iyoŋ toesik ŋuna ikitatamete epite ŋolo emaikina iyoŋ toyarya.

Ŋakit. 6:23 Iomraidhean Croise

Akisy. 39:8

Nai towou Yosepu, tolimok aberu a ekapolon keŋ tema, “Kiira, nyeriŋa ekapolon kaŋ emitakinit akiit ŋiboro ŋulu ayakar ayoŋ kai, akainaki iŋes ayoŋ akidar ŋiboro keŋ daadaŋ.

Ŋikiru. 119:105

Erae akirot kon etaa ŋolo inwakunit neni alosyo ayoŋ ka arae akica alorot kaŋ.

Ŋikiru. 119:130

Epite ŋolo isileereunitere ŋakiro kon, ikiinakinete apiiryanut; einakinete apiiryanut neni a ŋulu emam ŋuna eyenete.

Ŋikiru. 141:5

Kimyek ituŋanan ŋini iyookino ekesican ayoŋ, erae ŋun arimao kimyek ŋulu ikinyoma eketatam ayoŋ akimyekin akitiya aronis; erae ŋun amina; nyikimyek ayoŋ oŋer amina ŋin, anerae elipi ayoŋ jwi jwi eteŋeriyorit ŋiticisyo a ŋulu itiyaete aronis.

Ŋikiru. 19:8

Iyookino ŋikisila ŋulu ke Ekapolon, einakinito alakara neni a ŋulu iwuapito ikes. Ileerete ŋakiciketa ŋuna ke Ekapolon, itacaununeete ŋatameta.

Ŋakit. 10:17

Ituŋanan daadaŋ ŋini eesikini ŋuna alimokin iŋes atemar toesik, eyai lorot ŋolo ka akiyar, nai iŋes ŋini nyeesikini ŋuna alimokin atemar toesik, eoliyori alorot a ŋolo ka akiyar.

Ŋakit. 15:24

Ilereete aneni a ŋulu iyookino ŋuna iwuapito ikes erae ŋuna einakinete ikes akiyar, ikotere ikes nyelot nakibois a ŋikatwak.

Ŋakit. 15:31

Ituŋanan ŋini iiranari ŋakiro ŋuna aronok daadaŋ, ŋuna elimokinatae iŋes atemar toesik, eminakini akiboi aneni a ŋikaosok.

Ŋakit. 29:15

Epedori akida ituŋanan ka akitatam aesikin akitiya aronis ainakin ituŋanan aosou, nai ikoku ŋini imyekinitae itiyae ŋuna ecamit iŋes, eyauni ŋican neni a toto keŋ.

Ŋakit. 3:18

Erae aosou ekitoe ŋolo ka akiyar aneni a ŋulu einakina neni ka aosou, eryamunete ŋulu einakina neni ka aosou ŋarereŋisyo.

Ŋakit. 4:13

Kiric ŋuna ikilimokin, nyimyek ŋun ikimuryakis; kiyokite ŋuna ka aosou, anerae erae aosou akiyar kon.

Ŋakit. 4:4

abu papa kaŋ eketatam ayoŋ tema, “Kiric ŋakiro kaŋ alotau kon; kiwuap ŋakiciketa, ido iyari iyoŋ.

Ŋakit. 5:12

Itemari iyoŋ, “Okoe, aŋerit ca paaran ayoŋ akiwuap ŋuna ajokak, ajamuwarit etau kaŋ akisirworiuno!

Ekal. 7:26

Abu ayoŋ oryamu ibore ŋini erono nooi akilo atwanare, iŋes aberu ŋina erae aloketait ŋina erae etau keŋ ŋaunoi ta ŋatibae, aberu ŋina erae ŋakan keŋ ŋiriko. Ituŋanan ŋini elakara Akuj aŋuna keŋ, iŋes bon epedori abucar anaberu a ŋin, nai epedori aberu ŋin amodiun neni keŋ ituŋanan ŋini erae ikasecan.

Ekal. 7:5

Ejok akiirar ŋakiro ŋuna ikilimokinete ŋikaosok atemar kimyek akilo akipup eete a ŋibaŋaanotin.

Isa. 8:20

ka aŋuna ka akitatamya ta ayenunia ŋuna emaikina kitiyae a?” Kire jik ŋituŋa ŋulu irworosi lopite ŋol nyerubakinete eyarete.

Yer. 21:8

“Ilimokini nai iyoŋ ŋituŋa ŋul atemar alimu Ekapolon ebe, ‘Topupokisi, ewuakini ayoŋ kiŋaren kus erot ŋolo ka akiyar ka ŋolo ka atwanare.

Esek. 20:11

Abu ayoŋ oinak ikes a nen ŋakiro ŋuna abala kiwuapa ka abu eteyenik ikes ŋikisila kaŋ, anerae ituŋanan ŋini iwuapit ikes, iteyarete ikes iŋes.

Ŋilep. 19:17

“‘Nyimanit ŋiyeneta kon alotau kon. Tolimok ŋikidunyetkon itoŋoiyarit atemar idyakarito, erae ŋun ikotere nyeruworosi ikes ŋulu esecito.

2 Pet. 1:19

Aŋun, eyatakin nabo akilo ayenut kosi atemar erae ŋakiro ŋuna a ŋikadwarak ŋuna a kire. Ejok nooi erae kiricakis iyes ŋakiro ŋun, anerae ikote ikes etaa ŋolo inwakunit neni iryono tari neni iwalaria akwap, tocaik akica ŋina ke etop a ŋolo ka ataparacu ŋitai kus.

Akis. 2:5

Totamatama neni etya aronis ŋina ka akibusokin kon! Toki, kisyak akitiya ŋiticisyo ŋulu sek itiyae iyoŋ ekiŋaren. Ani pa kikii iyoŋ, abuni ayoŋ neni kon alemar awuoet kon ŋina ke etaa aneni sek eyai.