Ŋakit. 6:16 - Ebaibul

¹⁶ Eyakasi ŋiboro ŋikanikapei ŋulu nyecamit Ekapolon, eyakasi ŋikanikaarei ŋulu erae asiilyo aneni keŋ.

Ŋakit. 6:16 Iomraidhean Croise

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

Yob 5:19

Ikilakuni Akuj anatyokisyo a ŋakanikapei; ani edoli ŋina a ŋakanikaarei emam awana iryamuni.

Ŋikiru. 11:5

Eripiripi Ekapolon ŋuna itiyaete ŋulu iyookino ka ŋuna itiyaete ŋulu aronok, nai eremokino iŋes ŋulu eminasi aryenyeo.

Ŋikiru. 5:7

Nai ayoŋ, aŋuna ka amina kon a ŋina nyiryaŋiryaŋa, abuni ayoŋ Kai kon anakitopoloorit iyoŋ, aryediki ayoŋ elip neni kon eŋoliyarit Kai kon ŋina asegan.

Ŋakit. 11:1

Erae asiilyo aneni a Ekapolon akisitiya akipimet ŋina emodyanakinere ŋituŋa, nai elakara Ekapolon erae kisitiyae ituŋanan akipimet ŋina nyemodyanakinere ŋituŋa.

Ŋakit. 11:20

Erae asiilyo aneni a Ekapolon ayakau ka ŋatameta ŋuna etamete akitiya aronis. nai erae alakara aneni a Ekapolon akitiya ŋuna iyookino.

Ŋakit. 12:22

Erae asiilyo aneni ke Ekapolon akirworo alyokonu, nai elakara Ekapolon aŋuna a ŋituŋa a ŋulu itiyaete ŋuna a kire.

Ŋakit. 17:15

Ituŋanan ŋini itojokit ŋulu aronok ka ituŋanan ŋini nyitojokit ŋulu iyookino, erae ŋul daadaŋ ŋisiilyanotin aneni a Ekapolon.

Ŋakit. 20:10

Eremokino Ekapolon ituŋanan ŋini isitiyae akipimet ŋina nyiyookino, kori ioket ŋini nyiyookino, erae aneni a Ekapolon ŋiboro ŋul asiilyo.

Ŋakit. 20:23

Eremokino Ekapolon ituŋanan ŋini isitiyae akipimet ŋina nyiyookino. nyejokak aneni a Ekapolon ŋituŋa ŋulu isitiyaete ŋakipimeta ŋuna nyiyookino.

Ŋakit. 21:4

Akitopolooro bon ka akituro, ŋakiro ŋuna itiyaete ŋituŋa ŋulu aronok, erae asecit.

Ŋakit. 3:32

anerae nyecamit Ekapolon ituŋanan ŋini itiyae asiilyo, nai eyai lotau a Ekapolon ituŋanan ŋini iyookino.

Ŋakit. 30:18

Eyakasi ŋiboorei ŋiuni ŋulu akanirarito ayoŋ nooi; eyakasi ŋiomwon ŋulu nyayeni ayoŋ:

Ŋakit. 30:21

Eyakasi ŋiboorei ŋiuni ŋulu itamaranete akwap, eyakasi ŋiomwon ŋulu nyepedori akwap akidaŋidaŋ ŋakiro kec:

Ŋakit. 30:24

Eyakasi ŋiboorei ŋiomwon ŋulu edisyak anakwap, nai eosok ikes nooi:

Ŋakit. 30:29

Eyakasi ŋisubuna ŋiuni ŋulu ikinirarete elosete, eyakasi ŋiomwon ŋulu ikinirari apolou kec:

Ŋakit. 6:15

Ituŋanan ŋini itiyae ŋun, eryamuni ŋican atipei, inyasun nooi nyepedoryo nabo akisirworiun.

Ŋakit. 6:17

Ŋul ikes lu: Ŋituŋa ŋulu etakanete anakonyen kec itopolooro bon nooi, ŋituŋa ŋulu irworosi alyokonu, ŋituŋa ŋulu earete ŋituŋa ŋulu emam aronis itiyato,

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Yer. 26:15

Nai toyenete kire jik atemar, kikiar iyes ayoŋ, eyakaun ekaile ŋolo ka akiar ituŋanan ŋini nyesecit neni kus ka neni a etaun a lo ta neni a ŋituŋa a daadaŋ a ŋulu iboiyete alotaun a lo, anerae ŋuna a kire ikes nu, erae Ekapolon iŋes ekeyakuunit ayoŋ neni kus alimokin iyes ŋakiro ŋun kiirasi iyes.”

Amos 1:11

Alimu Ekapolon ŋakiro nu ebe, “Aŋuna arubakiniata ŋituŋa ke Edom itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kirita ŋikaitotoi kec a ŋileŋia, apotu ikes toŋero jik akisyon ŋikaitotoi kec, apotu ikes torubakis jik eŋoikinito ŋikaitotoi kec, apotu ikes nyejoŋoto jik aŋoikinit ŋikaitotoi kec.

Amos 1:3

Alimu Ekapolon ŋakiro nu ebe, “Aŋuna arubakiniata ŋituŋa a Damasko itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kisicana ŋituŋa a Gilead, kidica ikes lopite ŋolo eramere ŋimomwa.

Amos 1:6

Alimu Ekapolon ŋakiro nu ebe, “Aŋuna arubakiniata ŋituŋa a Gasa itiyaete ŋasecisya ŋuna alaak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom.

Amos 1:9

Alimu Ekapolon ŋakiro nu ebe, “Aŋuna arubakiniata ŋituŋa a Tiro itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom, ido nyiricakina ikes acamunet ŋina emaikina eyai kidiŋ kec ikwapei ŋiyeneta.

Amos 2:1

Alimu Ekapolon ŋakiro nu ebe, “Aŋuna arubakiniata ŋituŋa a Moab itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kicunya ŋakoyo a erwosit ke Edom toruwor ekuron.

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Amos 2:6

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa ka akwap a Isirael itiyaete ŋasecisya ŋuna alalak nooi, nyaesikini ayoŋ akisican ikes, anerae egyelanarete Ŋisirael ŋituŋa kec ŋulu iyookino a esilipa, egyelanarete ikes ŋituŋa ŋulu eyakatar akiitanit a egyelit a ŋamuk a ŋaarei,

Sakar 8:17

Nyituko akitiya aronis neni a ŋikidunyet kus, nyiminasi akikoŋ alyokonu. Aŋerit ayoŋ ŋun daadaŋ.”

Ŋikis. 23:18

Nyiyaut ŋisiliŋa ŋulu etacitere ŋimalaae ka ŋamalaae Kai ŋina ke Ekapolon Akuj kus, akisiyookinio akikoŋiet adio. Erae ŋun daadaŋ ŋakiro ŋuna eŋerit Ekapolon Akuj kus.

Ŋikis. 24:4

nyecamakinitae ekile ŋolo abu tolak iŋes ekiŋaren ya nabo aberu ŋin toruwor aberu keŋ kedau akilom, anerae eŋerit Ekapolon ŋakiro ŋun, nyemaikina iyes iyaut ekaile ŋolo ka asecit nakwap ŋina ebuni Ekapolon Akuj kus ainakin iyes aruwor ŋina kus

Ŋikis. 25:16

anerae ŋulu daadaŋ itiyaete ŋakiro ŋuna ka amodiyo, eŋerit Ekapolon Akuj kus ikes.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.