Ŋakit. 5:12 - Ebaibul

¹² Itemari iyoŋ, “Okoe, aŋerit ca paaran ayoŋ akiwuap ŋuna ajokak, ajamuwarit etau kaŋ akisirworiuno!

Ŋakit. 5:12 Iomraidhean Croise

Akisy. 19:9

Nai toboŋokis ikes temasi, “Kiyoto!” Tosodi temasi, “Abuni lo ne erae egela, ido itemokino mono iŋes erae ekatubon jwi jwi a? Ikisicanio tokona isua iyoŋ erono nooi akilo ŋikilyok ŋul.” Kijukasi ikes Lot nooi, kiimakis lopuke aŋuna ka abwaŋia epuke.

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Ŋikiru. 50:17

Toŋerito bo ŋakiro ŋuna abala ayoŋ kiwuapa, ido ikoŋete imanete ŋakan kaku iŋerito ŋakiro kaŋ.

Ŋikiru. 73:22

arae ayoŋ ebaŋ ka amam ibore ayeni; ekoni ayoŋ alokiŋaren kon etyaŋ ŋolo ebaŋaana.

Ŋakit. 1:22

“Okoe apaki ŋina etya ai iayete iyes ŋibaŋaanotin irae ŋibaŋaanotin? Apaki ŋina etya ai iayete iyes ŋulu ijamuwarito ŋuluce ilakara anajamuwarit ŋuluce? Apaki ŋina etya ai iayete iyes ŋibaŋaanotin iŋerito aosou?

Ŋakit. 1:25

aŋuna iwouniata iyes akimyekin ŋakiro ŋuna abala ayoŋ iyes kimyekis ka aŋuna iŋeryoto iyes ŋakiro kaŋ daadaŋ,

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ŋakit. 10:17

Ituŋanan daadaŋ ŋini eesikini ŋuna alimokin iŋes atemar toesik, eyai lorot ŋolo ka akiyar, nai iŋes ŋini nyeesikini ŋuna alimokin atemar toesik, eoliyori alorot a ŋolo ka akiyar.

Ŋakit. 12:1

Ituŋanan ŋini emina akiiranar ŋuna ebookoi toesik, emina aosou, nai ebaŋaaka ŋulu eremokino ituŋanan ŋini elimokinit ikes atemar eroko ŋuna itiyaete ikes.

Ŋakit. 13:18

Akulyako ka amamukau ajokis alotuŋa a ŋuluce, erae ŋuna a ŋulu eŋerito akitatamo akitiya ŋuna ajokak. nai itopoloorete ŋituŋa ituŋanan ŋini ecamit akitatamo toesik akitiya ŋuna aronok.

Ŋakit. 15:5

Ituŋanan ŋini ebaŋaana, ejamuwari ŋakiro ŋuna itatami papa keŋ iŋes, nai ituŋanan ŋini eesyanakini ŋuna ebookoi toesik eyakar ayenut.

Ŋakit. 5:11

iumeni iyoŋ edoli ŋirwa ŋulu ka atwanare kon, apaki ŋin ŋina einiyaria akuwan kon.

Ŋakit. 6:23

Erae ŋakiciketa ŋun etaa aneni kon ka erae ŋakitatameta ŋun akica aneni kon erae ŋuna ebookoi iyoŋ toesik ŋuna ikitatamete epite ŋolo emaikina iyoŋ toyarya.

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Yer. 44:4

Kikote neni daŋ, abu ayoŋ orubak ekeyakianakini iyes ŋiketiyak kaŋ ŋikadwarak abala, ‘Ekemaimai ayoŋ iyes, nyitiyata ŋakiro ŋuna ka asiilyo ŋun ŋuna aremokino ayoŋ!’