Ŋakit. 4:18 - Ebaibul

¹⁸ Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

Ŋakit. 4:18 Iomraidhean Croise

2 Sam. 23:4

ikwaan ituŋanan ŋin ka akica ŋina elomunia akoloŋ, ikwaan ka akica ŋina ecai taparacu emam ŋidouwon, ikwaan ka akica ŋina ecauni kedau akiru akilim, akica ŋina itolomuni ŋinya analup.’

Yob 11:17

Ejokyar nooi akiyar kon akilo neni ileereo ibore daadaŋ kidiŋ apaaran ecai akoloŋ, ikwaanikin anyipinyip ŋina sek a akiyar kon ka apaki ŋina iwalarya akwap.

Yob 17:9

Nai erubakinito ŋituŋa ŋulu iyookino imiidikina nakiyookino kec ka ikes ŋulu emam aronis itiyato, erubakinit akikinyomit kec Akuj iata jik.

Yob 23:10

Nai eyeni iŋes neni alosi ayoŋ, ani kekekatak iŋes ayoŋ, eryamuni iŋes atemar aliuna ayoŋ ikwa egolid ŋolo eliitae;

Ŋikiru. 84:7

Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

Ŋikiru. 97:11

ebuneeneajokis neni a ŋulu iyookino, ebuneenealelyanu neni a ŋulu iyookino alotai.

Ŋakit. 13:9

Ikwaan ŋulu iyookino ka akica ŋina ecai nooi, nai ikwaan ŋulu aronok ka akica a etaa ŋina irwapirwapi ecamit aduŋere.

Ŋakit. 15:24

Ilereete aneni a ŋulu iyookino ŋuna iwuapito ikes erae ŋuna einakinete ikes akiyar, ikotere ikes nyelot nakibois a ŋikatwak.

Ŋakit. 2:20

Aŋun, kiwuap ŋuna itiyaete ŋituŋa ŋulu ajokak, torubak iwuapit ŋuna iwuapito ŋituŋa ŋulu iyookino,

Ŋakit. 2:9

Ani kiirasi iyes ŋakiro kaŋ, iyenunete ŋuna iyookino ka ŋuna ajokak, ido itiyaete ŋuna daadaŋ itiyaete ŋituŋa ŋulu ajokak.

Isa. 26:7

Esulut erot a ŋituŋa a ŋulu iyookino. Okoe Ekapolon ŋolo iyookino, itusulutut iyoŋ erot a ŋulu iyookino.

Dan. 12:3

Ecaunete ŋikaosok lopite ŋolo ecaya akoloŋ alokidiama, ido ecaunete ŋikaru ka ŋikaru ŋulu erikunete ŋulu alalak nakiyookino lopite ŋolo ecayata ŋikacer.

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Mat. 5:14

“Iraakasi iyes akica ŋina ka akwap. Nyepedori etaun ŋolo edukitoe kidiama emukura akiŋop.

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Mat. 5:45

ikotere nai iruworosi iyes ŋidwe a Papa kus a ŋolo eyai nakuj. Anerae itacaununui iŋes akoloŋ neni a ŋulu aronok ka neni a ŋulu ajokak. Iyakuununui akiru neni a ŋulu itiyaete ŋuna ajokak ka neni a ŋulu itiyaete ŋuna aronok.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

Ŋipil. 2:15

ikotere toruworos ŋulu nyisecito ka tosegak alotai ikwapei iraakatar ŋidwe ŋulu ka Akuj ŋulu emam aronis, ŋulu iboiyete alokidiŋ ŋituŋa ŋulu a ŋinyas ŋulu asecak. Itemokino iyes tocayete alokidiŋ kec ikwa ŋikacer ŋulu ecayete alokidiama,

2 Pet. 1:19

Aŋun, eyatakin nabo akilo ayenut kosi atemar erae ŋakiro ŋuna a ŋikadwarak ŋuna a kire. Ejok nooi erae kiricakis iyes ŋakiro ŋun, anerae ikote ikes etaa ŋolo inwakunit neni iryono tari neni iwalaria akwap, tocaik akica ŋina ke etop a ŋolo ka ataparacu ŋitai kus.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.

Ŋikat. 5:31

Okoe Ekapolon, elipi tomunyaros ŋimoe kon daadaŋ lopite ŋol! Nai elipi kiyata agogoŋu a ŋituŋa a ŋulu ikiminasi iyoŋ, lopite ŋolo iyatar amwanis elomuni akoloŋ.” Abu akwap kieŋa ejie ŋikaru ŋatomoniomwon.