Ŋakit. 31:9 - Ebaibul

⁹ Kirwor ŋakiro ileerete, totubu ŋakiro aloikiiko emam ŋini iriitotor kirwor aŋuna a ŋikulyak ka ŋulu a ŋican icamit ikes toryamut ibore ŋini emaikina toryamut ikwa ŋituŋa ŋuluce.

Ŋakit. 31:9 Iomraidhean Croise

2 Sam. 8:15

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

Yob 29:12

anerae eŋaranakini ayoŋ ŋulu a ŋican ŋulu ekegworonokinete ayoŋ, eŋaranakini ayoŋ ŋikokyok ŋulu amam ituŋanan apedori akiŋarakin.

Ŋikiru. 82:3

Kitiyata ŋuna iyookino neni a ŋulu a ŋican ka neni a ŋikokyok, torubakisi itiyaete ŋuna iyookino neni a ŋulu a ŋican ka ŋulu eyakatar akiitanit.

Ŋakit. 16:12

Erae asiilyo aneni a ŋirwosi akitiya aronis, anerae akiyookino iŋes itogogoŋi apukan.

Ŋakit. 20:8

Ani kiboikin erwosit lokicoloŋ keŋ ŋolo ipukator ecamit akitub ŋakiro, epedori ayenun ŋakiro ŋuna aronok anakitere epite ŋolo eyakatar ŋituŋa.

Ŋakit. 29:7

Eyeni ituŋanan ŋini iyookino ibore ŋini iitanito ŋikulyak nai nyeyeni ituŋanan ŋini aronon ibore ŋini iitanito ŋikulyak.

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 5:28

atuma ikes ka amalimal ŋawat kec, itiyaete ikes aronis jik; nyetubete ikes ŋakiro a ŋikokyok anakiyookino, ikotere kilout ŋikokyok ŋini isitakinit ikes ka nyiŋarakinito ikes ŋituŋa ŋulu a ŋican toiun.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Ŋilep. 19:15

“‘Kitiyata ŋuna iyookino apaki ŋina itubioto ŋakiro, nyikisyonioto ŋulu a ŋican apaki ŋin, kori nyiwara akitojoka aneni a ŋulu erae ŋikabarak, nai totubonokisi ŋikidunyetkus alotooma akiyookino.

Sakar 7:9

“Ŋakiro ŋuna irworo Ekapolon ŋolo Etiron ikes nu ebe, ‘Emaikina iyes totubo ŋakiro anakiyookino ka kitoodiut arimao ka akisyon neni a ŋinice.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Yoa. 7:24

Nyitubonokinete alopite a ŋolo etakaniata ŋiboro, nai totubonokinete alopite a ŋolo eriyan.”

Ŋikis. 1:16

Abu ayoŋ ecik ŋikatubok kus apaki ŋin otema, ‘Emaikina iyes kiirasi ŋakiro a ŋituŋa kus a daadaŋ a ŋulu isitasi, tomam ariit ka ipei akilo ŋinice ka emaikina iyes totubonokis ŋakiro aloikiiko anakiyookino aŋuna a ŋinituŋanan erae ŋini ka akwap kus, kori a ŋinigela.

Ŋibur. 1:9

Ibu iyoŋ tominak ŋuna iyookino ka ibu toŋer ŋuna aronok. Aŋuna a ŋakiro a ŋun, akaseu ayoŋ ŋina arae Akuj kon iyoŋ alelyan aŋuna akainakinia iyoŋ apolou ŋina iloit ŋina a ŋirukitos kon.”

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

1 Sam. 19:4

Kisirwor Yonasan Saul papa keŋ itojokit Daudi tema neni keŋ, “Nyemaikina erwosit eseci, kitiya aronis neni a Daudi a eketiyan keŋ, anerae mam asecit itiyat iŋes neni kon ka ejokak ŋiticisyo ŋulu itiyae iŋes aŋuna kon.

1 Sam. 20:32

Toboŋok nai Yonasan papa keŋ tema, “Kaanukiro earere iŋes? Anukiro itiyat iŋes?”