Ŋakit. 31:30 - Ebaibul

³⁰ Epedori ajokis a ituŋanan amodiyar ka erae akibuses a ituŋanan akoŋinait, nai aberu ŋina itopoloorit Ekapolon, emaikina kipuroe itojokitae nooi.

Ŋakit. 31:30 Iomraidhean Croise

2 Sam. 14:25

Ŋapakio ŋun, mam ituŋanan alo Isirael ŋini epuritoe nooi aŋuna ka akibuses, akilo Abusalom, ameun anakejen aneni dapal tari lotim keŋ, mam ibore abasi ŋituŋa arono.

Ŋikiru. 112:1

Kipuroe Ekapolon! Erereŋ ŋituŋa ŋulu itopoloorito Ekapolon, ŋulu elakara anakiwuapit ŋakiciketa keŋ.

Ŋikiru. 147:11

Nai elakara Ekapolon aŋuna a ŋulu itopoloorito iŋes, a ŋulu iwuakinito akigeno kec namina keŋ ŋina nyiryaŋiryaŋa.

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ŋakit. 11:16

Eryamuni aberu ŋina erimaana akitopolooro, nai aberu ŋina eremokino ajokis, erae ŋina irumito ŋileec. Ituŋanan ŋini irumito ŋileec, eruwor ŋini a ŋican, nai ituŋanan ŋini eryenyaana, eruwor ŋini ebarit.

Ŋakit. 11:22

Ikwaan akibuses a aberu a ŋina emamukar ayenut ka ekaboboot ŋolo itiyaunitae a egolid ŋolo eyai lokume a epege.

Ŋakit. 22:4

Eropit ŋolo einakini Ekapolon ŋulu itiditeuna bon ka ŋulu itopoloorito Ekapolon, iŋes ebari ka akitopolooro ta kiyar.

Ŋakit. 31:29

“Itiyaete ŋaberu ŋuna alalak ŋiticisyo ŋulu ajokak nooi, nai itiya iyoŋ ejok nooi akilo ikes daadaŋ.”

Ŋakit. 31:31

Emaikina inakinae iŋes akitalakaret aŋuna a etic keŋ a daadaŋ, emaikina iŋes toryamu akitopolooro aneni a ŋituŋa a daadaŋ.

Ŋakit. 6:25

Nyicamu etau kon etemari ibus akaloman ŋin, nyicamu akibuses a ŋakiir keŋ ikisupari iyoŋ.

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Ekal. 7:18

Nyiryamu idio a ŋul ŋini epol adepar. Epedorete ŋituŋa ŋulu itopoloorito Akuj akiŋer aryamun idio a ŋul ŋini epol adepar.

Esek. 16:15

“‘Nai ibu iyoŋ Yerusalem kikinyom akibuses kon ka ibu kisitiya arwonu kon aruworor amalaat ŋina irukito ka ŋinituŋanan daadaŋ itoruni neni kon.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Ŋirom. 2:29

Nai Eyudayat ŋolo a kire, iŋes ituŋanan ŋini ileŋeritae alotau keŋ; iŋes atemar erae iŋes ituŋanan ŋini iwuapit Ŋikisila ŋulu ka Akuj. Erae ŋakiro ŋun itiyae Etau ŋolo ka Akuj, meere ŋuna a Ŋikisila a ŋulu igiritae. Eryamuni ituŋanan ŋin akitopolooro aneni ka Akuj, meere alotuŋa.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

Yak. 1:11

Elomuni akoloŋ erirae nooi tonom ekitoe; tosodi aturot keŋ toraraun, ido toŋopia akibuses keŋ. Ikwaŋinapei, ekabaran daŋ eŋopiyari alotooma etic keŋ.

1 Pet. 1:24

Ikwapei igiritere Nakigireta atemar, “Ikote ŋituŋa daadaŋ ŋinya, ikoni akecekibuses daadaŋ ŋatur. Einiyarete ŋinya, ido toraraun ŋatur,

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.