Ŋakit. 30:9 - Ebaibul

⁹ Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Ŋakit. 30:9 Iomraidhean Croise

Ŋikiru. 125:3

Nyerubakinete ŋulu aronok jwi jwi ipukato akwap a ŋulu iyookino; anerae epedorete ŋulu iyookino akitiya aronis.

Awos. 20:7

“Nyisitiyaete ekiro ke Ekapolon Akuj kus analyokonu, anerae nyeesikini Akuj akisican ituŋanan ŋini isitiyae ekiro keŋ analyokonu.

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Ŋakit. 29:24

Aruwor ŋini irukito ka ekokolan, erae aremokino akiyar kon a ilope, epupi iŋes akikoŋet, nai nyecamit alimor akikoŋet ŋin.

Isa. 59:13

ikiŋer isua Ekapolon ka emunoni isua ŋuna a Ekapolon; aŋeri isua akiwuap ŋuna ka Akuj kosi. Aruwor akirworo ŋuna ka akisican ka ŋuna ka akiŋer irworoe isua. Eyeo isua akirworo alyokonu, elimununio ŋakiro ŋuna ka alyokonu ŋuna eya lotai kosi.

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 5:12

Erworo ikes alyokonu aŋuna ke Ekapolon, atemasi ikes, “Emam ŋuna itiyakini Ekapolon. Emam aronis ebuni neni kosi, nyeyakaun ejie kori eron neni kosi.”

Esek. 23:35

Ŋuna tokona irworo Ekapolon Akuj ikes nu, aŋuna ikimuryakinia iyoŋ ayoŋ ka aŋuna nyeriŋa iyoŋ ikimitakinit ayoŋ, emaikina iyoŋ ikitir ŋakiro kon ŋuna ka aleeco ka amalao.”

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Osea 13:6

Ŋina esimuja ayoŋ ikes, apotu ikes kimwoko, nai apotu ikes kiturokinos, tosodi tojoŋoto atamunit ayoŋ.

Ŋilep. 5:1

Ŋakiro ŋuna ikote nu ikes itelemunete ituŋanan ainakinet aŋuna ka asecit. Ani kenyaraun ituŋanan neni etubere ŋakiro temarae tolimu ŋakiro ŋuna iyeni iyoŋ anakiro aŋuna isitakinitere ŋinice, ido towou iŋes alimor tari keyeni ka kiŋolikinit, isicanio iŋes a ŋakiro a ŋun,

Mat. 26:72

Topeg nabo iŋes ŋun daŋ, kikoŋ tema, “Nyayeni ayoŋ ekile ŋol!”

Mat. 26:74

Togeu nai Petero akilama bon ka akikoŋ ebala, “Nyayeni ayoŋ ekile ŋol!” Apaki ŋinapei ŋin, toruuni ekokoroit.

Ŋikis. 31:20

Ani kadau ayoŋ ayaun ikes nakwap ŋina eleleata ŋakile ka ao, nakwap ŋina abu ayoŋ eik anakikoŋ neni atapapaa kec ka ani kedaut ikes akimuj kimwoko ka totuma, akaŋerete ikes ayoŋ, ido kitiyanakis ŋakujo ŋace, okojamuwasi ayoŋ ka nyiwuapa acamunet kaŋ.

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Yos. 24:27

Tolimok nai Yosua ŋituŋa daadaŋ tema, “Amoru na iŋes ikisuudae iwon aŋuna adaunia akiirar ŋakiro daadaŋ ŋuna erwor Ekapolon neni yok. Iŋes ebuni akisuuda iyes erae pa kiwuap iyes acamit a Akuj kus.”