Ŋakit. 30:8 - Ebaibul

⁸ kiuryarae ayoŋ nyaruwor ŋini alyokono, ido nyikituruwo ayoŋ ŋini akulyakana, kori ŋini abarit nai inakinae ayoŋ akimuj ŋina eitanit a ŋinakoloŋit.

Ŋakit. 30:8 Iomraidhean Croise

Akisy. 28:20

Kikoŋ Yakob a nen tema, “Ani kikiruki Akuj ka ayoŋ, ido ekeyok ayoŋ analosit a na, okoinak ayoŋ akimuj onyam ka ŋilowi onap,

2 Ŋirw. 25:30

Abu erwosit inanak Yeoiakim ŋisiliŋa ŋidi a ŋinakoloŋit ikotere iŋarakinor ŋirwa daadaŋ ŋulu eboiyo iŋes alo Babilon.

Yob 23:12

Nyimyekina ayoŋ akiwuapit ŋuna ekecikit iŋes ayoŋ akiwuap, ericakinit ayoŋ alelakinit nooi ŋakiro ŋuna abu iŋes okolimok ayoŋ.

Ŋikiru. 119:29

Kiyokoi ayoŋ nyewuap ŋuna nyiyookino, kitatamae ayoŋ anajokis kon ŋikisila kon.

Ŋikiru. 119:37

Nyikimyek ayoŋ amitakinit ŋiboro ŋulu erae ŋikoŋinae; inakinae ayoŋ akiyar anakiwuapit akirot kon.

Awos. 16:15

Ani iŋolikinete Ŋisirael ibore ŋin, kiŋitanaros make temasi, “Nyo ibore ŋin?” Anerae pa ayenete ikes atemar kerae nyo. Tema Moses neni kec, “Erae akimuj ŋina ikiinak iyes Ekapolon atemar tonyama.

Awos. 16:18

Nai ani ipimete ikes akimuj ŋin, toryamu ituŋanan ŋini kebu kirirau ŋina alalan, pa eyakar ŋina alalan nooi ka ŋini kebu kirirau ŋina edit, pa eyakar ŋina edit nooi; kebu ŋinituŋanan kirirau etyae ŋolo kiitanit iŋes.

Awos. 16:29

Toyenutu nu atemar, adau Ekapolon ainakin iyes akoloŋit ŋina a Sabato akieŋunia. Ŋakiro ŋun nai abunio iŋes ikiinak iyes akimuj ŋina a ŋirwa a ŋiarei akoloŋit ŋina a ŋakanikapei. Emaikina ŋinituŋanan kieŋu akoloŋit ŋina a ŋakanikaarei aneni iboiyo, mam ituŋanan emaikina toloma kiŋa.”

Awos. 16:35

Kimuja Ŋisirael Manna ŋikaru ŋatomoniomwon, akitodol ŋina adolunioto nakwap ŋina apotu kiboikinos. Apotu ikes kimuja Manna akitodol ŋina adolunito lokukoru ŋolo ka akwap a Kanaan.

Ŋakit. 13:5

Eremokino ŋituŋa ŋulu iyookino akirworo alyokonu, nai ŋakiro ŋuna irworosi ŋulu aronok, erae ŋuna a ŋileec ka ŋuna nyejokak.

Ŋakit. 21:6

Ebari ŋolo eryamuni ituŋanan anakirworo alyokonu, eŋopiyari apaki ŋina euruwuana. nai isyauni mono ebari ŋol arikor iyoŋ napipilu ŋina ka atwanare.

Ŋakit. 22:8

Ani kitiyae ituŋanan ŋakiro ŋuna nyiyookino, elomunete ŋican anakiro a ŋun, ido itasalunete ŋatyokisyo ŋun ŋakiro ŋuna isicanitor ituŋanan ŋin ŋuluce.

Ŋakit. 23:5

Epedori ebari kon apuripuryaar ite iyoŋ, epuripuryaar atipei esibit kepena ŋabebenuk ŋuna epororya ikwa egole.

Ŋakit. 30:7

Okoe Ekapolon, ŋakiro ŋaarei bon ekeŋisit ayoŋ iyoŋ; nyiŋer ainakin ayoŋ ŋakiro nu eriŋa ayoŋ nyetwana,

Ekal. 1:2

Abu ekalimonokinan ŋol tema, “Akoŋinait! Akoŋinait! Akoŋinait akiyar! Erae ibore daadaŋ ikoŋinait!

Isa. 5:18

Ekaŋ, iyes ŋulu iriunito asecit anakirworo alyokonu ka ŋulu iriunito aronis lopite ŋolo iriunitere a ŋaunoi agaari,

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Yer. 37:21

Aŋun, abu erwosit Sedekia tolimu atemar yae Yeremia nalapatu ŋina eboiyoto ŋasigarya ŋuna iyokiyete akai a erwosit ka aponi a ŋinakoloŋit inakinae iŋes amugati ŋina ayaununuyo alorot a ŋolo aya ŋikepok ŋamugati, akitodol neni adaunotor ŋamugati alotaun. Aŋun, abu Yeremia kiboi analapatu a ŋina eboiyoto ŋiketeok akai a apukan.

Yer. 52:34

Abu erwosit a Babilon inanak Yeoiakim ŋisiliŋa ŋidi a ŋinakoloŋit, ikotere iŋarakinor ŋirwa daadaŋ ŋulu eboiyo iŋes alo Babilon akitodol akoloŋit ŋina atwania iŋes.

Mat. 6:11

Inakinae isua nakoloŋit na akosikimuj ŋina a jwi jwi;

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Luk. 11:3

Inakinae isua a ŋinakoloŋit akosikimuj ŋina a jwi jwi.

Yoa. 2:8

Tolimok nai ikes tema, “Tookosi tokona ŋadi, inasi ekapolokiniton ŋasuban.” Tookosi ikes, inasi iŋes.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.