Ŋakit. 30:5 - Ebaibul

⁵ Isiyoonokini Akuj ŋakiro keŋ daadaŋ; erae Akuj aupal a daadaŋ a ŋulu elosete aiuno neni keŋ.

Ŋakit. 30:5 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

2 Sam. 22:31

Ani eruwor iyoŋ Akuj, iyookino ŋuna kon; iyoonokin akiikinet ŋina a Ekapolon; erae iŋes aupal aneni a ŋulu daadaŋ eŋopete aneni keŋ,

Ŋikiru. 119:140

Adaun aanyun atemar iyookino jik ŋakiikineta kon, aŋun, emina eketiyan kon ikes.

Ŋikiru. 12:6

Erae ŋakiikineta a Ekapolon ŋakiro ŋuna iyookino, iyookino ikes ikote esilipa ŋolo aliuna ejok; esilipa ŋolo eliitae alokitet ŋarwa ŋuna alalak.

Ŋikiru. 144:2

Erae iŋes Akuj ŋina akamina ayoŋ, aduketait kaŋ ŋina ajio alotooma, akalakunan kaŋ, neni ayakaun ayoŋ pa eryaŋiryaŋa, aupal kaŋ neni aiunor ayoŋ. Abu iŋes okoinak ayoŋ apedor oreu ŋakwapin epuka.

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 18:30

Ani eruwor iyoŋ Akuj, iyookino ŋuna kon; iyookino akiikinet kon; erae iŋes aupal a daadaŋ a ŋulu elosete neni keŋ aiuno.

Ŋikiru. 18:31

Ekapolon bon erae Akuj, iŋes bon erae ekaiunan yok,

Ŋikiru. 19:8

Iyookino ŋikisila ŋulu ke Ekapolon, einakinito alakara neni a ŋulu iwuapito ikes. Ileerete ŋakiciketa ŋuna ke Ekapolon, itacaununeete ŋatameta.

Ŋikiru. 3:3

Nai okoe Ekapolon, iyoŋ irae aupal ŋina ipakarit ŋican kaŋ, iyoŋ ikiinakini ayoŋ akiloun iyoŋ ikinyakakini ayoŋ atitinyu.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋikiru. 91:2

Atemari ayoŋ neni ke Ekapolon, “Irae iyoŋ neni aiunor ayoŋ ka aduketait ŋina ajio ayoŋ; irae iyoŋ Akuj kaŋ ŋina ekinyomit ayoŋ.”

Ŋakit. 2:7

Eyakar Ekapolon aosou ŋina iloit daadaŋ aŋuna a ŋulu iyookino. Erae Ekapolon aupal a ŋulu iboiyete emam ŋuna itoroniyaritere.

Ŋakit. 29:25

Erae akuryanu emoit a ituŋanan, nai ituŋanan ŋini ikinyomit neni a Ekapolon, iuryaryo erae ŋini eiuna.

Ŋirom. 7:12

Aŋun, nyerae Ŋikisila asecit, nai eponito aneni ka Akuj ka eponito ŋakiciketa kec daŋ aneni ka Akuj, nabo iyookino ka ejokak.

Yak. 3:17

Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.