Ŋakit. 30:14 - Ebaibul

¹⁴ Eyakasi ŋituŋa ŋulu eryenyanikinito ŋikulyakanotin ka ŋulu a ŋican anakidem ŋiboro kec, ido erae ŋol epite ŋolo eryamunitotor ikes ibore ŋini eyaryata.

Ŋakit. 30:14 Iomraidhean Croise

Yob 29:17

Eloununu ayoŋ agogoŋu a ŋulu pa eyookino oiu anakan kec ŋituŋa ŋulu acamito ikes akisican.

Yob 41:14

Ŋae epedori ajakar ŋiŋitiny keŋ? Ani kiŋolik ituŋanan ŋikyal keŋ, ebuli ituŋanan.

Ŋikiru. 12:5

Ebala Ekapolon ebe, “Aŋuna eteryamunere ŋikulyak ŋican, aŋuna isiyaloloŋere ŋulu eyakatar akiitanit, abuni tokona ayoŋ oinak ikes aiuno ŋina iitanito.”

Ŋikiru. 124:6

Olakaros neni ke Ekapolon, a ŋolo abu nyikimyek iwon ikimunyarete ŋimoe yok.

Ŋikiru. 14:4

Emam mono ŋakiro eyenete ŋituŋa daadaŋ ŋulu itiyaete aronis, ŋulu erikasi ŋituŋa kaŋ lopite ŋolo irikaryata ŋamugati, ido nyemisito akilip neni a Ekapolon a?

Ŋikiru. 3:7

Bua kare ca, okoe Ekapolon! Toiunae ayoŋ, okoe Akuj kaŋ! Anerae isicani iyoŋ ŋimoe kaŋ daadaŋ, imyekini iyoŋ ikes emam agogoŋu ŋina akawaniata ayoŋ.

Ŋikiru. 52:2

Ituki iyoŋ ŋakiro ŋuna ka amunyar ŋuluce; ikwaan ŋakiro kon ka ebanyet ŋolo ipenitae ejok, itamatamae akitiya ŋuna aronok bon.

Ŋikiru. 57:4

Ayai ayoŋ kidiŋ ŋiŋatunyo; ŋiŋatunyo ŋulu anyamak ŋituŋa; ekwaka ŋikyal kec ikote ŋakwaaras ka ŋikaleŋeleŋe ekwaka ŋaŋajepa kec ikote ŋileŋia.

Ŋikiru. 57:5

Okoe Akuj, emaikina kipuroe ekiro kon alokidiama nakuj kimyek apolou kon min nakwap daadaŋ.

Ŋikiru. 58:6

Okoe Akuj, topokono ŋikyal anakituka a ŋituŋa a ŋul; Okoe Ekapolon, todotono ŋikyal a ŋimoe; a ŋulu ikote ededeŋ ŋiŋatunyo a ŋul.

Ŋakit. 12:18

Epatana ŋakiro ŋuna irworoe car akiumiyar ituŋanan lopite ŋolo ikiduŋio ekileŋ, nai ikisirworiunete ŋakiro ŋuna irworosi ŋikaosok.

Ŋakit. 22:16

Ituŋanan ŋini edemanari ŋikulyak ŋiboro kec aŋuna ka abarya ka ŋini einanakini ŋikabarak ŋiboro keŋ, eruwor ŋul daadaŋ ŋikulyakanotin.

Ŋakit. 28:3

Ekepukan ŋolo itoroniyarit ŋikulyakanotin, ikwaan ka akiru ŋina iliiciyari akimuj todaun.

Ŋakit. 30:15

Eyakar ediket ŋitak ŋiarei ŋulu igworosi ebasi, ‘Inakinae, inakinae.’ Eyakasi ŋiboorei ŋiuni ŋulu nyimwokeneneete; eyakasi ŋiboorei ŋiomwon ŋulu eriŋa nyetemara ‘Etemokin’:

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Isa. 10:2

aŋuna ka akiteesikin ŋikulyak akitiya ŋuna iyookino ka alemarya akiyookino alotuŋa kaŋ a ŋulu erae ŋikulyak; itiyaete iyes ŋun aŋuna ka aŋatarya ŋapuseru, ikotere inyamete ŋawat a ŋikokyok.

Isa. 3:14

Egeiyari Ekapolon atubokin ŋikarikok ka ŋikapolok a ŋituŋa keŋ, itoroniyarit ikes a ŋakiro a nu, “Imunaasi iyes emanikor a ŋikito a epiini, eya nakais kus ŋiboro ŋulu eŋatununuyo aneni a ŋikulyak.

Isa. 3:15

Anukiro ilosikinito iyes isicanito ŋituŋa kaŋ ka itonyorididito ŋireetin a ŋikulyak? Ekapolon Akuj ŋina a ŋajoresyo alimu ŋun.”

Isa. 32:7

Ŋakiro ŋuna itiyaete ŋasyanisya, erae ŋuna aronok; eyeete akitiya ŋakiro ŋuna aronok ka irworosi alyokonu amunyarya ŋikulyak, tari kiyookino ŋakiro ŋuna edyakanarotor ŋituŋa ŋulu eyakatar akiitanit.

Esek. 22:6

“‘Adaut ŋikarikok a Isirael daadaŋ ŋulu iboiyete alo Yerusalem akikinyom agogoŋu kec a ŋikulepek aarya ŋituŋa ŋuluce.

Esek. 34:3

Inyamete iyes ŋasepwa a ŋamesekin, inapete iyes ŋilowi ŋulu itiyaunitae a ŋajul a ŋamesekin ka iseete iyes ŋamesekin ŋuna atumak toara, nai nyitanete iyes ŋamesekin.

Amos 2:7

iimakinito ikes ŋituŋa kec ŋulu a ŋican, nyecamito ikes akiŋarakin ŋulu eyakatar akiitanit. Ituruworito lokoku ka papa keŋ apese apei aberu kec, aŋun, enyasut ikes ekiro kaŋ ŋolo asegan;

Amos 4:1

Torubak Amos irworo tema, “Kiirasi ŋakiro nu iyes ŋaberu ŋuna iboiyete alo Samaria, iyes ŋuna itumito ikwa ŋaatuk ŋuna edakasi Basan, iyes ŋuna isicanito ŋikulyak ka iimakinito ŋulu eyakatar akiitanit, iyes ŋuna ilimonokinete ŋikilyok kus atemar inakinae isua ikotere ikimasi!

Amos 8:4

Kiirasi ŋakiro nu iyes ŋulu iimakinito ŋulu eyakatar akiitanit, ido icamito akitasalun ŋikulyak anakwap,

Abak. 3:14

Ibu iyoŋ toar ekarikon a ŋasigarya a ŋulu aronok a ŋikaleŋeleŋe keŋ pei, ekarikon ŋol ŋolo abu kipiripiriu ikwa ekuwuam akielar isua, abunit iŋes alelyani ecamit amunyar ŋulu a ŋican ŋulu aŋopito,

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Akis. 9:8

Ekwaan ŋitim kec ka ŋulu a ŋaberu, ekwaan ŋikyal kec ka ŋulu a ŋiŋatunyo.