Ŋakit. 3:7 - Ebaibul

⁷ Nyitusubana anakonyen kon ŋini ios; kitopoloorite Ekapolon ka toesik aronis.

Ŋakit. 3:7 Iomraidhean Croise

2 Sam. 12:20

Tonyou nai Daudi alokwap, kiloŋar, kitaleu akuwan keŋ, ido tonap ŋilowi ŋice. Tonyou a nen, tolot Kai ke Ekapolon kilip. Ani kirikak, toboŋo kai keŋ. Tolimok iŋes ŋituŋa atemar yaunae neni keŋ akimuj, ido aponi inakinae iŋes akimuj ka abu iŋes kimuj.

Neem. 5:15

Ŋikepukak ŋuluce daadaŋ ŋulu epukato eriŋa ayoŋ, atiŋito ŋituŋa erono nooi, ejaununeete akimuj ka epiini aneni kec, pa imaritae ŋicekelya ŋatomoniomwon ŋulu ke esilipa ŋulu alemununeete ŋituŋa. Ŋiketiyak kec daŋ arae ŋikepukak. Nai nyitiya ayoŋ ŋun, anerae etopoloorit ayoŋ Akuj.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Awos. 20:20

Tema Moses neni a ŋituŋa, “Nyikuryaketa, anerae ebunit Akuj erae akikatakin iyes, ikotere torubakis iwuapito ŋakiro keŋ nyiseceta.”

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 14:27

Erae akitopoloorit Ekapolon eitanit ŋolo ka akiyar, ikotere nai ituŋanan eŋeri ŋakiro ŋuna eyaunete atwanare.

Ŋakit. 16:6

Isyoni Akuj ŋasecisya a ŋituŋa erae keminanara ka kerimaaka ŋituŋa, ido ani kitopoloo ituŋanan Ekapolon, eŋeri akitiya aronis.

Ŋakit. 23:4

Nyituupa bon aŋirikinit akiburuburakin aryamun ebari, toyakatar aosou ŋina itoodiunit atemar ititinyikinit iyoŋ.

Ŋakit. 26:12

Iŋolikinit mono iyoŋ ituŋanan ŋini itooso anakonyen a? Ejok ibaŋaanot nooi akilo ituŋanan ŋin.

Ŋakit. 26:5

Toboŋok ŋibaŋaanotin ŋakiro alopite a ŋolo ka abaŋao kec, ikotere nai ikes eyenunete atemar nyeosok ikes lopite ŋolo etamiata ikes.

Ŋakit. 28:11

Etami ituŋanan ŋini abaran atemar erae iŋes ŋini eos, nai itoodiunit alopitesyo keŋ ituŋanan ŋini ekulyakana atemar eos iŋes.

Ŋakit. 28:26

Ituŋanan ŋini ikinyomit apiiryanut a ŋatameta keŋ, erae ibaŋaanot; nai iŋes ŋini iwuapit ŋuna ka aosou keŋ, eruwor ŋini eiuna bon.

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Isa. 5:21

Ekaŋ, iyes ŋulu itamete atemar iosok ka ŋulu itamete atemar epiiryaka ŋakonyen!

Ŋirom. 11:25

Ŋikaitotoi kaŋ, eya ŋakiro ŋuna a kire ŋuna ka akimunono ŋuna acamit ayoŋ iyes toyenut. Ikitojoŋoe nen iyes akitam atemar kori iosok iyes. Ikote ŋakiro ne: nyerae akisyaanua Ŋisirael a ŋice ŋinaruba, nai edaun anapaki a ŋina ecamuniata daadaŋ ŋulu eseunitae aneni a ŋulu nyerae Ŋiyudayan ŋakiro ka Akuj.

Ŋirom. 12:16

Kiboiyoto ka ŋituŋa daadaŋ irae ŋipei. Nyiturosi, nai tocamutu ŋiticisyo ŋulu ka akitiditeuna. Nyitamete atemar kori iosok iyes.