Ŋakit. 3:33 - Ebaibul

³³ Iceni Ekapolon ŋikalya a ŋulu aronok, nai iterereŋi ŋikalya a ŋulu iyookino.

Ŋakit. 3:33 Iomraidhean Croise

2 Sam. 6:11

Kiboi Asaduku ŋina ka Acamunet alokai ka Obededom ke Egititait ŋilapyo ŋiuni. Kiterereŋ Ekapolon Obededom ka ŋituŋa a ekal keŋ daadaŋ.

Yob 24:18

“Sopar, irworo iyoŋ ebe, ‘Iwokonorete ŋakipi atipei ŋulu itiyaete aronis, icenit Akuj neni iboiyoto ikes, mam eketiyan eapiyari lomanikorin kec ŋulu ke epiini.

Yob 31:12

Kikwaanikin ŋun ka akim ŋina ikinomiyari toloma nakibois a ŋikatwak kikwaanikin ŋun ka akim ŋina enyamuwari ibore kaŋ daadaŋ.

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Ŋikiru. 37:22

anerae ikes ŋulu iterereŋit Ekapolon, eruwor akwap ŋina kec. nai ikes ŋulu icenen aneni ke Ekapolon, emunyaryo aneni a ŋuluce.

Ŋikiru. 91:10

Mam aronis ebuni neni kon, mam ŋican epote lotuŋa kon,

Ŋakit. 10:6

Erae ŋarereŋisyo ŋuna a ŋulu iyookino, nai iwuaito ŋulu aronok ŋakiro ŋuna ka aryenyeo anakituka kec.

Ŋakit. 14:11

Emunaaryo akai a ituŋanan a ŋini aronon, nai erubakini akai a ituŋanan a ŋini iyookino eyai.

Ŋakit. 15:6

Ileleba ebari nakais a ŋulu iyookino, nai elemanaryo anapakio a ŋuna a ŋican ibore ŋini eyakatar ŋulu aronok.

Ŋakit. 21:12

Eyeni Akuj ŋina iyookino ŋakiro ŋuna itiyasi anakais a ŋulu aronok, ido inyipori Akuj ŋulu aronok tomunyaros.

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Ŋikis. 11:28

ka iryamunete iyes ŋicen erae pa kiwuapa iyes ŋakiciketa ŋuna ke Ekapolon Akuj kus, ido toŋero akiwuap ŋakiro ŋuna ekecik ayoŋ iyes akiwuap nakoloŋit na, aŋuna ka akiwuap ŋakiro a ŋakujo a ŋuna nyiyenunito iyes.

Ŋikis. 7:26

Nyiyaut ŋiboro ŋulu eŋerit Akuj nakais kus, kitiyata iyes ŋun, ikityakaryo iyes daŋ toruworos ŋulu ikimunyaryo ikwa ikes. Emaikina iyes toŋerito jik ka tojamuwarito ikes, anerae erae ikes ŋulu etyakaritae aŋuna ka akinyasuno.

Yos. 6:18

Nai iyes, kiuryasi, nyetapa idiotuŋanan ŋiboro ŋulu ilamitae ŋul, ikotere apaki ŋina imunyaryata iyes ikes, nyikodut ŋiboro ŋulu ilamam, yaut nalomari ŋina a Ŋisirael, ido kituruwosi ŋina ilamam, ŋina akodakin ŋican.

Yos. 7:13

Tonyou, kitaleu ŋituŋa. Tolimok ikes ebe, ‘Kitesegunos aŋuna a moi taparacu, anerae ebala Ekapolon ŋolo erae Akuj a Ŋisirael ebe, eyakasi ŋiboro ŋulu icenen neni kus Ŋisirael, nyiwoikinete iyes ŋimoe kus mati jik kilemasi iyes aneni kus ŋiboro ŋulu ikicikitae iyes atemar nyilemasi.’