Ŋakit. 3:27 - Ebaibul

²⁷ Nyiŋer alimokin ŋuna ajokak neni a ŋulu iitanito akiirar ŋuna ajokak, kitiya ŋun neni kec erae kiyakar iyoŋ apedor alimokin ikes.

Ŋakit. 3:27 Iomraidhean Croise

Akisy. 31:29

Ayakar ayoŋ apedor akiwan iyoŋ; nai abu Akuj a papa kon kirwor neni kaŋ bien nakwaare tema, ‘Tocoite ilimokini Yakob ŋakiro ŋadi, ŋuna ajokak, kori ŋuna aronok.’

Mika 2:1

Ekaŋ iyes ŋulu itukete akitiya ŋuna aronok, iyes ŋulu iyeete akitiya aronis apaki ŋina iperyoto! Ani iwalari akwap itiyakinete ikes ŋuna apotu totukut nakwaare akitiya, anerae ebasi ikes eya ŋakiro daadaŋ napedor kec.

Ŋirom. 13:7

Inakisi ŋituŋa daadaŋ ŋiboro ŋulu ebeiyarito neni kec: ocur neni a ŋulu ebeiyarit ocur, akerit neni a ŋulu ebeiyarit akerit ka akitopoloorit neni a ŋulu ebeiyarit apolou.

Ŋigal. 6:10

Aŋun nai, ani eriŋa iwon ikiyakar apaki ŋina ajokan, itemokino etiyata ŋuna ajokak neni a ŋituŋa a daadaŋ, akilo nooi neni a ŋulu erae ŋikanupak ikwa iwon.

Ŋikis. 15:13

Tosodi, ani ilacakinete iyes epito, nyitoloto iŋes erorete ŋakan.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.