Ŋakit. 3:24 - Ebaibul

²⁴ Ani tari apaki ŋina iperyo iyoŋ, mam akuryanu eyakaun neni kon, ikibobokinete iyoŋ ŋajo nooi apaki ŋina iperyo iyoŋ.

Ŋakit. 3:24 Iomraidhean Croise

2 Ŋakiro a ŋirwa 20:30

Abu nai ekisil min nakwap a Yeosapat, anerae abu Akuj inak iŋes akinapakina alowaetin ka akwap keŋ a daadaŋ.

Yob 11:19

Iperi iyoŋ emam ibore ikitukuryani; epote ŋikalalak akiŋita akiŋarakino aneni kon.

Ŋikiru. 112:8

Eruworosi ŋitai kec ŋulu nyiryaŋiryaŋakin, ŋulu nyebulenene; ido ekaku, eruworosi ikes ŋulu adaut akiloun ŋimoe kec.

Ŋikiru. 127:2

Ecaryono anyounun taparacu sek ka alosenen akiper kedil akuwar, itiyae aŋuna ka akimuj, anerae einanakini Ekapolon ŋulu emina iŋes ŋuna iitanito tari apaki ŋina ejotooto.

Ŋikiru. 3:5

Aperi ayoŋ ojotoor; okyenyu nabo, anerae Ekapolon ekedarit ayoŋ.

Ŋikiru. 3:6

Nyakuryaniar ayoŋ tari aŋuna a ŋituŋa a ŋulu alalak nooi, a ŋulu atukut akiman ayoŋ alowaetin kaŋ a daadaŋ.

Ŋikiru. 4:8

Apedori tokona ayoŋ akiper ojotoor neni ajokan; anerae iyoŋ bon, okoe Ekapolon, ikiinakini ayoŋ akiper emam ŋace.

Ŋikiru. 91:5

Nyikuryaniar iyoŋ aŋuna a ŋatyokisyo a ŋuna ka akuwar, kori aŋuna a ŋijiesyo a ŋulu etakanunete naparan,

Ŋakit. 1:33

Nai ikes ŋulu ekeirarete ayoŋ, eruwor ŋulu eiuna; iboiyete eiuna emam ibore einakinit ikes akuryanu.”

Ŋakit. 19:23

Erae akitopoloorit Ekapolon akiyar kire jik, ani kileleba neni a ituŋanan akitopoloorit Ekapolon, erae ituŋanan ŋin ŋini eiuna, emam nabo ŋican eryamuni iŋes.

Ŋakit. 6:22

Ikitenete ikes iyoŋ apaki ŋina ilosyo; ikidarete ikes iyoŋ apaki ŋina iperyo ka ikisirworete ikes iyoŋ apaki ŋina ikenyunia.

Ekal. 5:12

Ebobokinito ŋiketiyak ŋajo ejotoete, tari daŋ kimujete ikes akimuj ŋina edit, kori ŋina alalan, nai nyejotoonor ŋikabarak aŋuna etamyata akuwar kya ŋuna a ebari kec.

Isa. 54:14

Iyakaun iyoŋ irae ŋolo ijok aŋuna ka akiyookino, nyikisicanio nabo iyoŋ, anerae emam ŋini ikitukuryani iyoŋ; Elemaryo ekabule aneni kon, anerae nyeapuuni neni kon.

Yer. 31:26

Apaki ŋin, abu ayoŋ okyenyu, oŋoleŋolek, oryamu atemar arae ajot kaŋ ŋina ajokan.

Esek. 34:15

Ayoŋ elope aruwor ekeyokon a ŋamesekin kaŋ, emyekini ayoŋ ikes touryanikin.

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Esek. 34:27

Erayete ŋikito ŋaraito kec ka eraunete ŋikinyom alokwap, mam awasya eyakaunotor ŋituŋa kaŋ anakwap kec. Eyenunete ikes atemar arae ayoŋ Ekapolon apaki ŋina alemarya ayoŋ ŋican kec ŋulu eenito ikes ikwa ŋapaadei ŋuna ikienikinito nayokot, aiuni ayoŋ ikes anapedor a ŋulu apotu yaasi ikes erae ŋipi.

Ŋilep. 26:6

Ayauni ayoŋ ekisil nakwap kus, topero iyes emam akuryanu ka emam ituŋanan ikitukuryani. Alemari ayoŋ ŋityaŋ ŋulu anyamak anakwap kus, ido emam aremo eyakaun nakwap kus.

Ŋitic. 12:6

Nakwaare nyiwalara akoloŋit ŋina acamitor Erode akisitakin Petero alokiŋaren ŋituŋa, ajotoe Petero alokidiŋ ŋisigarya ŋiarei, toenitetei iŋes a ŋiriko a ŋiarei. Toyakas daŋ ŋisigarya ŋulu eteok lokekia a mabus.