Ŋakit. 3:14 - Ebaibul

¹⁴ anerae ibore ŋini eryamuni ituŋanan anaosou, iloit tari aryamun esilipa. Iryamuni iyoŋ anaosou eropit ŋolo iloit tari aryamun egolid.

Ŋakit. 3:14 Iomraidhean Croise

Ŋikiru. 119:111

Ŋakiro ŋuna itubunit iyoŋ ikes ainakinet kon neni kaŋ ŋikaru ka ŋikaru; ikes erae alelyanu ŋina ke etau kaŋ.

Ŋikiru. 119:162

Alelyani ayoŋ alotooma akirot kon, lopite ŋolo elelyania ituŋanan ŋini eŋatari ibore ŋini alalan nooi.

Ŋikiru. 119:72

Ejokak aneni kaŋ nooi ŋikisila ŋulu ilimunit iyoŋ, akilo esilipa ke egolid ŋolo alalan nooi.

Ŋakit. 16:16

Ejok nooi aryamun aosou akilo aryamun egolid, ejok aseun aryamun ayenut akilo aseun aryamun esilipa.

Ŋakit. 2:4

ka ani kiwar iyoŋ ŋakiro ŋun ikwa iwaritere esilipa, kiwar ŋakiro ŋun ikwapei ebari ŋolo iwuaitae,

Ŋakit. 8:19

Ejokak ŋuna iryamuni iyoŋ aneni kaŋ iloito egolid, iloito tari egolid ŋolo eliitae, ejokak ŋuna epote aneni kaŋ akilo esilipa ŋolo eliitae.

Ekal. 7:11

Ejok aosou nooi ikwaan ka neni ikikorakinere ebari. Erae aosou ibore ŋini emaikina ŋituŋa ŋulu eyarete toyakatar.

Mat. 16:26

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.