Ŋakit. 29:5 - Ebaibul

⁵ Ituŋanan ŋini irworo ŋisoswae neni a ikidunyet keŋ, irworo ŋakiro ŋuna ikamunete ikidunyet keŋ.

Ŋakit. 29:5 Iomraidhean Croise

Yob 17:5

Ŋituŋa ŋulu esyomatar ŋikonei kec aŋuna ka aryamunia ibore idio, eryamunete ŋidwe kec ŋican aŋuna aŋakiro aŋuna etiyato ŋikauruunak kec.

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋikiru. 36:2

Emina ituŋanan ŋini ikoni ŋin akirworo itojoka bon, Itojoka iŋes nooi nyepedori ayenun asecit keŋ, kori akiŋer asecit keŋ.

Ŋikiru. 5:9

Nyikinyom ŋakiro ŋuna irworosi ŋimoe kaŋ; ileleba aryenyeo lotai kec, ŋakiro ŋuna irworosi ikes, eyaununeete atwanare; ileleba amodiyo ŋina aronon lorwor kec.

Ŋakit. 1:17

Eruwor akoŋinait alosikinet a ituŋaŋan erae kelokaki iŋes atibait iteete ŋikyeny ŋulu ecamit iŋes akisurum.

Ŋakit. 20:19

Epedori asyomar ŋuluce akisileereun ŋakiro ŋuna imunono, aŋun, nyimina arukit ka ituŋanan ŋini itobobot akituk.

Ŋakit. 26:28

Ituŋanan ŋini irworo alyokonu, epedori akiman ŋini elimokini iŋes atemar nyirwor alyokonu, ido ituŋanan ŋini nyirworo ŋuna a kire, eauni amunyaro.

Ŋakit. 28:23

Ituŋanan ŋini elimokini ŋinice atemar toesik akitiya aronis, eruwor ekaku ŋini ejok, akilo ŋini emodiyarit ŋinice alorwori keŋ.

Ŋakit. 7:21

Abu nai aberu ŋin kimaimaa esorokit ŋol a ŋakiro keŋ a ŋuna abobok a ŋun, kisupa iŋes a erwor keŋ a ŋolo abobon a ŋol.

Ŋakit. 7:5

Ikiuryarete ikes iyoŋ anamalaae, ikiuryarete ikes iyoŋ anakalomak a ŋuna itoboboto ŋakiro a ŋun.

Aum. 1:13

“Abu Ekapolon kiyaku akim alokidiama, abu akim ŋin itonom isua todol tari nakoyo. Abu Ekapolon topeta atibait keŋ akikamunia ŋakejen kosi kiŋoliyarae neni sek aponere. Abu Ekapolon ikimyek isua make, eryebae apaaran jwii.

Osea 5:1

“Kiirasi ŋakiro nu, iyes ŋisacaradotin! Topupokisi, okoe ŋituŋa a Isirael! Kiirasi, okoe ŋituŋa a erwosit! Ebunit atubokino neni kus; anerae iruworosi iyes aloc alo Misipa ka atibait ŋina elokitae lomoru Tabor

Ŋirom. 16:18

Anerae nyerae Kristo itiyanakinete ŋituŋa ŋulu ikote ŋul, nai itiyanakinete etic ŋolo ka akiwarit akimuj. Irworosi ikes ŋakiro ŋuna abobok, kirapirapete ŋituŋa alorwor kec ecamito amodikin ŋituŋa ŋulu epalag!

1 Ŋites. 2:5

Anerae iyenete iyes kire atemar, nyirworo isua ŋakiro ŋuna ka akirapirap iyes ka nyelimonokina isua Ŋakiro ŋuna Ajokak aŋuna ka aryamunia idiobore aneni kus--Akuj iŋes erae esuuda kosi!

1 Sam. 18:23

Aŋun, apotu ŋiketiyak a Saul yaasi ŋakiro ŋun neni a Daudi, tolimokis ikes aneni kec bon. Nai abu Daudi kiŋit ikes tema, “Etakani mono aneni kus epatana aruwor ekamuran ke erwosit orae bo ayoŋ ekulyakit ka ituŋanan ŋini nyayenen alotuŋa a?”