Ŋakit. 29:4 - Ebaibul

⁴ Ani kipuka erwosit akwap keŋ anakiyookino, itogogoŋi akwap keŋ, nai ani kemina iŋes ŋakaluŋuluŋui, ikurukuroori akwap keŋ todaun.

Ŋakit. 29:4 Iomraidhean Croise

2 Sam. 8:15

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

1 Ŋirw. 2:12

Aŋun, abu Solomon kilunyokin lokicoloŋ a papa keŋ a Daudi, ido abu toyeu apukan keŋ kitogogoŋ.

2 Ŋakiro a ŋirwa 9:8

Akipuro toyai neni ke Ekapolon Akuj kon, ŋina alakari aŋuna kon, ido ikiinak iyoŋ akiboikin lokicoloŋ ikwapei erwosit, kipuka aŋuna ke Ekapolon Akuj kon. Aŋuna ka amina ka Akuj kon Ŋisirael ka aŋuna ka acamit keŋ akiturubakin ikes eyakasi ŋikaru ka ŋikaru, ikituruwo iŋes iyoŋ erwosit kec, ikotere itubi ŋakiro anakiyookino ka kitiyae ŋuna iyookino.”

Yob 11:6

kerae ca itolimok iŋes iyoŋ ŋakiro ŋuna imunono ŋuna ka aosou! Anerae elalak ŋakiro ŋuna eya naosou, toyenu nai atemar ikisican iyoŋ Akuj iwadio, akilo neni emaikina ikisicanere iyoŋ aŋuna ka asecit kon.

Ŋikiru. 89:14

Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Ŋikiru. 99:4

Okoe Erwosit ŋolo etiron, imina iyoŋ akiyookino, idau iyoŋ akiwuakin akiyookino Isirael; idau iyoŋ ayaun akiyookino ka akitub ŋakiro anakiyookino.

Ŋakit. 14:34

Itopoloori nooi akiyookino akwap, nai elemari asecit ajokis aneni a ŋinituŋanan.

Ŋakit. 16:10

Irworo erwosit ŋakiro ŋuna elimokinit Ekapolon iŋes kirwor, ido nyemaikina ŋakiro ŋuna irworo iŋes kitoroniyasi akiyookino.

Ŋakit. 16:12

Erae asiilyo aneni a ŋirwosi akitiya aronis, anerae akiyookino iŋes itogogoŋi apukan.

Ŋakit. 20:8

Ani kiboikin erwosit lokicoloŋ keŋ ŋolo ipukator ecamit akitub ŋakiro, epedori ayenun ŋakiro ŋuna aronok anakitere epite ŋolo eyakatar ŋituŋa.

Ŋakit. 29:14

Ani ketuboki erwosit ŋikulyakanotin pa itoroniyarit, eyakaun apukan keŋ emam ŋace apaki ŋina aoyan.

Ŋakit. 8:15

Erae aŋuna kaŋ ipukatotor ŋirwosi, erae aŋuna kaŋ etubioto ŋikepukak ŋakiro anakiyookino.

Isa. 49:8

Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Dan. 11:20

“Ekaku keŋ ebuni ece ŋolo ilunyokin lorot keŋ ŋolo erae ekapolon ŋolo iturubakini apukan ebarit; nai alotooma ŋirwa ŋidikudyo esaluni iŋes tari pa kerae anaŋoit kori alojie.

Mika 7:3

Ayenikis ŋakan kec nooi akitiya aronis; iŋitasi ŋikapolok ka ŋikatubok ŋakiro ŋakaluŋuluŋui, ereanakinete ŋulu eyakatar apedor ŋuluce akitiya ŋuna ecamito ikes; aŋun, aoliyosi ikes daadaŋ anakiyookino.

1 Sam. 13:13

Tema nai Samuel neni a Saul, “Itiya iyoŋ ŋakiro ŋuna ka abaŋao; nyiwuapa iyoŋ ŋakiciketa ŋuna ke Ekapolon ka Akuj kon, ŋuna abu iŋes ikicikak iyoŋ akiwuap, kerae kitiyate iyoŋ ŋun, kesipokinit Ekapolon apukan kon kipuka Ŋisirael ŋikaru ka ŋikaru.