Ŋakit. 29:3 - Ebaibul

³ Italakari ikoku ŋini eos ikauruunan keŋ, nai ŋini emina arukit ka ŋamalaae, ebelari ebari keŋ.

Ŋakit. 29:3 Iomraidhean Croise

Ŋakit. 10:1

Erae nu ŋakitadapeta a Solomon: Eauni ikoku ŋini aoson alakara neni a papa keŋ, nai eauni ikoku ŋini ebaŋaana akiyaloloŋ neni a toto keŋ.

Ŋakit. 15:20

Epedori ikoku ŋini aoson ayaun alakara neni a papa keŋ, nai epedorete ŋidwe ŋulu ebaŋaaka ajamuwar ata toto kec.

Ŋakit. 21:17

Ituŋanan daadaŋ ŋini emina akileile ŋamuja, eruwor ikulyakit, ituŋanan daadaŋ ŋini emina epiini ka ŋamuja ŋuna epol egyelit, nyebari.

Ŋakit. 21:20

Erubakini ebari eyai nakais a ŋituŋa a ŋulu aosok, nai irikanarete atipei ŋibaŋaanotin ibore ŋini eryamunete.

Ŋakit. 23:15

Ikaakoku, ani kirae iyoŋ ŋini ios alotau kon, alakar ayoŋ daŋ alotau kaŋ;

Ŋakit. 27:11

Ikaakoku, torae ŋini ios, ido yau alelyanu lotau kaŋ; ikotere nai ayoŋ apedori aboŋokin ŋakiro ŋuna irworotor ŋituŋa eketoroniyarito ayoŋ.

Ŋakit. 28:19

Ituŋanan ŋini itae, eryamuni akimuj ŋina alalan, nai ituŋanan ŋini icanicani apaki keŋ anakirimit, eruwor ŋini ekulyakana nooi.

Ŋakit. 28:7

Ituŋanan ŋini iwuapit ekisil, erae ŋini eyakar aosou, nai ituŋanan ŋini emina arukit ka ŋikanyamak, eyauni ŋileec neni a ŋikauruunak keŋ.

Ŋakit. 6:26

Epedori ekile akipaŋgaun amalaat a ŋisiliŋa a ŋulu etya ŋulu egyelere amukat, nai epedori akaloman akitasalun akiyar a ekile a ŋolo aloma ka iŋes.

Luk. 15:13

Ani eriŋa nyelunyara ŋirwa ŋulu alalak, abu edya ŋol tocunak ŋiboro ŋulu ayakar daadaŋ, towot lobuku ece ŋolo alwanan; kirika iŋes aina ŋiboro keŋ alopite a ŋolo aronon.

Luk. 15:30

Nai abu lokoku kon logo kisunyak ŋiboro kon daadaŋ namalaae, ani tokona eboŋuni iŋes lore, iarak iyoŋ iŋes itaok ŋini atuman!’