Ŋakit. 29:2 - Ebaibul

² Ani erae ituŋanan ŋini iyookino erae ekapolon, elelyanete ŋituŋa, nai ani erae ituŋanan ŋini aronon erae ekapolon, iyaloloŋete ŋituŋa.

Ŋakit. 29:2 Iomraidhean Croise

Esta 3:15

Toema ŋikapiranak atipei nakwapin ŋuna epukat Ausero, ikwapei alimokinitor Ausero ikes, ido aponi ŋakiro ŋun kiseraunae alokai ka apukan a ŋina alo Susa. Kiboikinos erwosit ka Aman, kisyakis akimat kaapei, nai apotu ŋituŋa ŋulu a etaun a ŋolo a Susa kiguryakin.

Esta 8:15

Torotok nai Moridekai alokiŋaren erwosit enapit ŋilowi ŋulu ka apolou ŋulupusiyek ka ŋulu akwaŋak. Tonapite ebokot ŋolo apolon ŋolo a egolid ka elou ŋolo amilimilan ka ŋolopus areŋan. Tolakaros ka tolelyana a ŋun ŋituŋa ŋulu a Susa.

Yob 34:30

Itiyae Akuj ŋun, ikotere nyipukata ŋulu eŋerito Akuj, kori ŋulu iteryamunito ŋituŋa ŋuluce ŋican.

Ŋakit. 11:10

Ani eryamunito ŋulu iyookino ibore daadaŋ ŋini ecamito, elelyanete ŋituŋa daadaŋ alotaun, ani etwakete ŋulu aronok, eyakaun lotaun ecelet ŋolo ka alelyanu.

Ŋakit. 28:12

Ani keryamu ituŋanan ŋini iyookino apolou, eyakaun alelyanu ŋina apolon nooi lotuŋa, nai ani keryamu ituŋanan ŋini aronon apolou, eemete ŋituŋa akiŋop a iwace.

Ŋakit. 28:15

Ituŋanan ŋini aronon ŋini ipukat ŋikulyak, ikoni eŋatuny ŋolo irurumae, kori ityaŋ ŋini adedeŋan ŋini eresiyara.

Ŋakit. 28:28

Ani keryamu ituŋanan ŋini aronon apolou, eemete ŋituŋa akiŋop a iwace, nai ani emunyar ŋituŋa ŋulu aronok, epitunete ŋulu iyookino.

Ekal. 10:5

Eyai aronis ŋina adau ayoŋ akiŋolikin anakwap a na, erae ŋin adyakaret ŋina itiyaata ŋikepukak ŋuna nyiyookino.

Ekal. 10:6

Ituruwonoryo ŋibaŋaanotin ŋulu alalak ŋikapolok, ido kimyekinitetei ŋikaosok erae ŋiketiyak a ŋibaŋaanotin

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Mat. 2:16

Ani eanyuni Erode atemar amodikis ŋikaosok iŋes, tonyunyurikin nooi, kiyakiya ŋisigarya keŋ Betelem ka akwap ŋin daadaŋ akiar ŋidwe ŋulusapa daadaŋ, ŋulu adolito ŋikaru kec ŋiarei ka ŋulu ariŋa ŋikaru kec nyedolo ŋiarei. Kitiya iŋes ŋun itamakina napaki ŋina kiŋitunit iŋes ejok alokaosok.

Mat. 2:3

Ani iirari erwosit Erode ŋakiro ŋun, kiyaloloŋo ka ŋituŋa a Yerusalem daadaŋ.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”