Ŋakit. 29:14 - Ebaibul

¹⁴ Ani ketuboki erwosit ŋikulyakanotin pa itoroniyarit, eyakaun apukan keŋ emam ŋace apaki ŋina aoyan.

Ŋakit. 29:14 Iomraidhean Croise

Ŋikiru. 89:2

Alimori ayoŋ atemar erae amina kon ŋina nyiryaŋiryaŋa ŋina itiirae ŋikaru ka ŋikaru; itiirae akikinyoma kon lopite ŋolo itiiraa kidiama.

Ŋakit. 16:12

Erae asiilyo aneni a ŋirwosi akitiya aronis, anerae akiyookino iŋes itogogoŋi apukan.

Ŋakit. 20:28

Epedorete amina ka akikinyoma akiturubakin erwosit ipukat emam ŋace, iturubakini akiyookino iŋes eyai lokicoloŋ emam ŋican.

Ŋakit. 25:5

Ani kelemar ŋituŋa ŋulu aronok aneni a erwosit, ipukae erwosit ejok anakiyookino.

Ŋakit. 28:16

Ekepukan ŋolo eryenyaana, emamukar ayenut, nai ituŋanan ŋini nyecamit ibore ŋini edemunitae ŋinice, eyakaun nakiyar ŋina aoyan ŋina ka alelyanu.

Ŋakit. 29:4

Ani kipuka erwosit akwap keŋ anakiyookino, itogogoŋi akwap keŋ, nai ani kemina iŋes ŋakaluŋuluŋui, ikurukuroori akwap keŋ todaun.

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Yer. 22:16

Atubi iŋes ŋakiro aŋuna a ŋikulyak ka ŋulu a ŋican a akiyookino, ido amam iŋes ŋace. Meere mono akitiya ŋun iŋes itoodiunit atemar eyeni ituŋanan Ekapolon a?

Yer. 5:28

atuma ikes ka amalimal ŋawat kec, itiyaete ikes aronis jik; nyetubete ikes ŋakiro a ŋikokyok anakiyookino, ikotere kilout ŋikokyok ŋini isitakinit ikes ka nyiŋarakinito ikes ŋituŋa ŋulu a ŋican toiun.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.