Ŋakit. 28:23 - Ebaibul

²³ Ituŋanan ŋini elimokini ŋinice atemar toesik akitiya aronis, eruwor ekaku ŋini ejok, akilo ŋini emodiyarit ŋinice alorwori keŋ.

Ŋakit. 28:23 Iomraidhean Croise

2 Sam. 12:7

Tema Nasan neni a Daudi, “Erae ekile ŋol iyoŋ pei! Abala Ekapolon Akuj a Isirael ebe, ‘Abu ayoŋ okoseu iyoŋ aruwor erwosit ŋolo ipukae Isirael, ido abu ayoŋ okoiu iyoŋ aneni a Saul.

1 Ŋirw. 1:23

Tolimokis ŋituŋa erwosit temasi, “Eyai ekadwaran Nasan ne.” Ani elomuni Nasan tooma neni ayai erwosit, toryedik, kijuuru todol ereet kwap.

Yob 32:21

Alimuni ayoŋ ŋakiro pa ariit neni a idiotuŋanan, kori nyerwori ayoŋ ajamuwarit idio,

Yob 32:22

anerae nyayeni ayoŋ ajamuwanar ŋuluce, ido ani kajamuwa, eketasaluni ayoŋ ekasuban kaŋ atipei.”

Ŋikiru. 141:5

Kimyek ituŋanan ŋini iyookino ekesican ayoŋ, erae ŋun arimao kimyek ŋulu ikinyoma eketatam ayoŋ akimyekin akitiya aronis; erae ŋun amina; nyikimyek ayoŋ oŋer amina ŋin, anerae elipi ayoŋ jwi jwi eteŋeriyorit ŋiticisyo a ŋulu itiyaete aronis.

Ŋakit. 24:25

Nai ejokyata ŋakiro aneni a ŋulu isitakinete ituŋanan aŋuna ka asecit keŋ, eryamunete ŋituŋa ŋul ŋarereŋisyo ŋuna ajokak.

Ŋakit. 29:5

Ituŋanan ŋini irworo ŋisoswae neni a ikidunyet keŋ, irworo ŋakiro ŋuna ikamunete ikidunyet keŋ.

Mat. 18:15

“Ani kesec lokaato kon neni kon, tolot neni keŋ kiteyenik iŋes adyakaret keŋ aneni kus make. Ani kiira iŋes ŋuna ilimok iyoŋ, iŋes atemar inyaku iyoŋ lokaato kon.

Ŋigal. 2:11

Nai ani ebuni Petero Antiokio, abu ayoŋ etepeg iŋes alokiŋaren ŋikanupak daadaŋ, anerae eleere atemar pa eyookino ŋakiro ŋuna etiyat iŋes.