Ŋakit. 28:13 - Ebaibul

¹³ Ani kimunon ituŋanan ŋasecisya keŋ, nyeryamuni akiyar ŋina ajokan, nai ituŋanan daadaŋ ŋini elimori, ido toki ŋasecisya keŋ, eryamuni akisyonio.

Ŋakit. 28:13 Iomraidhean Croise

Akisy. 4:9

Kiŋit Ekapolon Kain tema, “Ai eyai lokaato kon Abel?” Toboŋok Kain tema, “Nyayeni ayoŋ, arae ayoŋ ekeyokon lokaato kaŋ a?”

2 Sam. 12:13

Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

2 Sam. 14:32

Toboŋok Abusalom Yoab tema, “Kiira, abu ayoŋ eyaku ituŋanan neni kon alimokin iyoŋ ebe, ‘Bua laalo, ikotere ekeyakiya ayoŋ iyoŋ neni a erwosit kiŋit iŋes ŋakiro nu: Kaanukiro ekenyakunere ayoŋ alo Gesur? Kejok aneni kaŋ kerae toriŋa ayoŋ ayai ama.’ Kimyekinae ayoŋ tokona olot neni a erwosit, ani keyai aronis etiyat ayoŋ, itemokino iŋes okoar ayoŋ!”

2 Ŋirw. 20:15

Kiŋit Isaya erwosit tema, “Inyoni eŋolikis ikes alokai kon?” Toboŋok Esekia tema, “Eŋolikis ikes ibore daadaŋ. Emam ibore anakais aŋuna iŋadao ŋiboro ŋini nyitoodikina ayoŋ ikes.”

2 Ŋakiro a ŋirwa 6:26

“Apaki daadaŋ ŋina egolokinor nakuj, ido nyilim akiru aŋuna aseciata ikes aneni kon, ido nai kilipa ikes iŋoliunito nakibois na ikoŋete enyarito ekiro kon, tokiwa asecit aŋuna isicania iyoŋ ikes,

Esir 10:11

Tolimosi tokona asecit kus neni ke Ekapolon Akuj atapapaa kus, ido kitiyata ŋuna ecamit iŋes; totyakaros alotuŋa a ŋulu ka akwap a na ka anaberu a ŋunagelae.”

Esir 10:2

Kirwor Sekania lokoku a Yeiel epei a ŋiletok ka Elam neni a Esira tema, “Ikisec iwon neni ka Akuj yok ka eitunun ŋaberu ŋunagelae aneni a ŋituŋa a ŋulu ka akwap a na, nai kikote neni daŋ eriŋa akigeno eyai Isirael.

Neem. 9:2

Tosodo Ŋisirael totyakaros aneni a ŋituŋa a ŋulugelae a daadaŋ, tolimosi ŋasecisya kec ka aronis atapapaa kec.

Yob 31:33

Nyimunono ayoŋ asecit kaŋ lopite ŋolo itiyaata ŋituŋa ŋuluce, nyiwua ayoŋ asecit kaŋ alotau kaŋ,

Yob 33:27

eikini ituŋanan ŋin iŋes alokiŋaren ŋituŋa ebe, ‘Abu ayoŋ osec ka oŋer akitiya ŋuna iyookino, nai nyisicana Akuj ayoŋ aŋuna abu ayoŋ etiya.

Yob 34:31

“Eyai mono ituŋanan idio alimoki neni ka Akuj ebe, ‘Adau ayoŋ akidaŋidaŋ akisicanio; nyaboŋokini nabo ayoŋ akitiya aronis;

Ŋikiru. 51:10

Kiwuak tooma kaŋ etau ŋolo asegan, okoe Akuj, kikiteteu alotooma kaŋ etau ŋolo ikikinyomit iyoŋ

Ŋakit. 10:12

Iasete ŋiman ŋican, nai erapuwarit amina ŋasecisya daadaŋ.

Ŋakit. 17:9

Ituŋanan ŋini isyoni ŋinice anakiro a ŋuna abu todyeka, itopoloe ituŋanan ŋin aminanar, nai ituŋanan ŋini erubakini jik isiburae ŋinice elimununui ŋakiro ŋuna alunyar, eauni ituŋanan ŋin, atyaka iŋes ka ŋirukitos keŋ.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Yer. 2:35

irworosi iyes ibasi, ‘Mam ŋakiro ikisecit isua; kire jik, nyikiŋoikinit Akuj iyes.’ Tokona, ekesicani ayoŋ iyes aŋuna irworotor ibasi, ‘nyikisecit isua.’

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Ŋilep. 5:5

Ani keyeni ituŋanan atemar asecit alorotin a ŋul keedio, emaikina ituŋanan ŋin tocamu asecit keŋ ŋina adau akitiya.

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋikat. 10:15

Tolimokis Ŋisirael Ekapolon temasi, “Ikisec isua, kitiya neni kosi ŋuna nyejokak aneni kon, nai tolakunae isua nakoloŋit na!”

1 Sam. 15:13

Ani edoli Samuel neni a Saul, tema Saul, “Ikiterereŋ iyoŋ Ekapolon; adau ayoŋ akiwuap ŋuna ekecikit ayoŋ Ekapolon.”

1 Sam. 15:24

Tema Saul neni a Samuel, “Asec ayoŋ aŋuna abunio oŋer akiwuap akiciket a Ekapolon ka ŋakiro kon. Arae ŋun aŋuna abunio ayoŋ oker ŋituŋa, ido ewuap ŋuna abasi ikes.

1 Sam. 15:30

Toboŋok Saul tema, “Adau ayoŋ akisec, nai inakinae ayoŋ apolou tokona alokiŋaren ŋikasikou ŋulu a ŋituŋa kaŋ ka alokiŋaren Ŋisirael. Oboŋosi ka ayoŋ, ikotere ayoŋ elip neni ke Ekapolon Akuj kon.”