Ŋakit. 28:10 - Ebaibul

¹⁰ Ituŋanan ŋini erikori ŋini iyookino akitiya aronis, elomari nakiro keŋ a ilope ŋuna aronok, nai eryamuni ŋini nyitoroniyaritae ŋiboro ŋulu alalak.

Ŋakit. 28:10 Iomraidhean Croise

Ŋikiru. 139:24

Toanyu erae keyai aronis eyai neni kaŋ, ido torikoe ayoŋ ewuap ŋipitesyo ŋulu a akiyar a ŋina a ŋikaru ka ŋikaru.

Ŋikiru. 37:11

Nai eruwor akwap ŋina a ŋulu iapara ka eryamunete ikes ebari ka eyakaunosi lokisil.

Ŋikiru. 57:6

Adaut ikes akiwuakin atibait aŋuna ka akisurumya ayoŋ; eyaloloŋiyo ayoŋ. Adaut ikes abokakin akipany lorot kaŋ, nai emasakin ikes pei nakipany ŋin.

Ŋikiru. 9:15

Adaut ŋituŋa a ŋakwapin alomar nakipany ŋina abokete ikes pei; erum ŋakejen kec pei atibait ŋina ewuaito ikes.

Ŋakit. 10:3

Nyimianakini Ekapolon ŋulu iyookino elosete enyamit akoro, nai iuryari iŋes ŋulu aronok nyeryamut ibore ŋini iitanito.

Ŋakit. 15:6

Ileleba ebari nakais a ŋulu iyookino, nai elemanaryo anapakio a ŋuna a ŋican ibore ŋini eyakatar ŋulu aronok.

Ŋakit. 2:21

anerae iboiyete ŋituŋa ŋulu iyookino anakwap ekaoyan, idoŋete nakwap ekaoyan ŋituŋa ŋulu emam ŋuna itoronitere.

Ŋakit. 21:20

Erubakini ebari eyai nakais a ŋituŋa a ŋulu aosok, nai irikanarete atipei ŋibaŋaanotin ibore ŋini eryamunete.

Ŋakit. 26:27

Ani kebok ituŋanan akipany kimyek eorori, epedori iŋes pei akimasakin nakipany ŋin, epedori amoru akikokorikin neni a ituŋanan erae kijuka ituŋanan amoru.

Ŋakit. 28:18

Eiuna bon ituŋanan ŋini elosi anakiyookino, nai elomari locan ituŋanan ŋini iwuapit ŋipitesyo ŋulu aronok.

Ekal. 10:8

Ituŋanan daadaŋ ŋini eboki akipany, epedori iŋes pei akimasakin nakipany ŋin; ituŋanan daadaŋ ŋini epunupunui ŋawuasin, epedori akicwaŋun emun kitokonya.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Ŋigal. 2:4

Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

Ŋibur. 6:12

Nyikicamit isua iyes tokalanyakiata, nai ikicamit iyes kituputo ŋulu aryamut ŋuna adau Akuj akiikin aŋuna ka anupit ka atitinyikinit.

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

Akis. 2:14

Nai eketoroniyarit ayoŋ iyoŋ a ŋakiro a ŋadi a nu: “Eyakasi kidiŋ kus ŋituŋa ŋice ŋulu etupito akitatam ŋina ke ekile a ŋolo enyaritae Balaam, a ŋolo koloŋ abu kitatam ekile ŋolo enyaritae Balak akicocoiyar Ŋisirael nasecit anakitanyam ŋamuja ŋuna ainakinitae ŋakujo ka akitiya amalao.

1 Sam. 26:19

Ekemaimai tokona ayoŋ iyoŋ ekapolon kaŋ kiira ŋakiro kaŋ a eketiyan kon. Ani kerae Ekapolon ikiinakinit iyoŋ aremokin ayoŋ, emaimai ayoŋ iŋes tocamu ainakinet. Nai ani kerae ŋituŋa, elipit ayoŋ toruwor ikes ŋulu icenen alokiŋaren Ekapolon, anerae ekeritasi ikes ayoŋ anibore a ŋini etemokino ayoŋ oryamu aneni Ekapolon. Adaut ikes alimun ebe, ‘Ape, kitiyanak ŋacekujo.’