Ŋakit. 27:3 - Ebaibul

³ Erae ŋamoru ibore ŋini epot ka erae asinyon ibore ŋini eposik, nai etyoko nooi ŋakiro ŋuna ikitoŋoya ibaŋaanot akilo apotis a ŋamoru, kori aposikik a asinyon.

Ŋakit. 27:3 Iomraidhean Croise

Akisy. 49:7

Eruwor aŋoit kus ŋina icenen, anerae idedeŋ nooi; Eruwor anyunyura kus daŋ ŋina icenen, anerae iryenyaaka nooi! Akorakini ayoŋ ikes nakwap a ŋituŋa a Yakob, eelakini ayoŋ ikes nakwap a ŋituŋa a Isirael.

Yob 5:2

Kire jik, eari alilit ebaŋ ka eari arakao ŋini emam ŋuna eyeni.

Ŋakit. 12:16

Itoodiununeete atipei ŋibaŋaanotin aŋoit kec, nai ililiŋiyanarete ŋikaosok ŋuna itoŋoitere ikes.

Ŋakit. 17:12

Ejok ajiore ka ityaŋ ŋini adedeŋan ŋini ikibenyuni aŋuna edemaritere iŋes ŋitak keŋ, akilo ajiore ka ibaŋaanot aŋuna ka abaŋao keŋ.

Ŋakit. 27:2

Kimyek ŋituŋa ŋulu ce ikitojoka iyoŋ, meere iyoŋ ilope atemar ijok iyoŋ, kimyek ituŋanan ice ŋinigelaanot tolimu ŋun, meere iyoŋ ilope akirworo ŋun.

Ŋakit. 27:4

Eryenyana anyunyara, ikimunyari aŋoit, nai ŋae epedori awoikin arakao?

Dan. 3:19

Abu nai erwosit Nebukadinesar tolili nooi tonyoridid ereet keŋ aŋuna a Sadirak, Mesak ka Abedinego. Tolimok erwosit ŋituŋa atemar kinokakinae akim a ekitet tomwanu nooi ŋarwa ŋakanikaarei akilo neni sek.

Ekim. 22:27

Ani iŋolikini esigirya emalaika ŋolo a Ekapolon, touryanikin kwap eriŋa Balaam edokit, toŋo Balaam nooi, toram esigirya a ebela keŋ.

1 Yoa. 3:12

Nyikikwaanikin ka Kain ŋolo ariit neni a ŋolo Aronon, ŋolo abu toar lokaato keŋ Abel. Kaanukiro aarya iŋes lokaato keŋ? Anerae aroko ŋiticisyo keŋ ka kiyookino ŋulu a lokaato keŋ.