Ŋakit. 27:23 - Ebaibul

²³ Emaikina ituŋanan eyeni ejok epite ŋolo eyakatar ŋamesekin keŋ, kidarite ejok ŋibaren kon;

Ŋakit. 27:23 Iomraidhean Croise

Akisy. 33:13

Tolimok Yakob Esau tema, “Eyeni Ekapolon kaŋ atemar edisyak ŋidwe kaŋ ka itanakete ŋakinei ka ŋaatuk ŋuna amyat ayoŋ, ido ani karubak ayoŋ amyat ikes apaaran daadaŋ, etwakete ŋakinei daadaŋ.

2 Ŋakiro a ŋirwa 26:10

Abu iŋes toduk ŋaduketa ŋuna aoyak naloŋisat, tobokanak ŋakare ŋuna alalak ŋuna apolok nen, anerae ayakar iŋes ŋisipanin a ŋaatuk a ŋuna alalak, ayakasi ŋisipanin ŋul Sepela ka nadipoe a ŋikamukumukui, ayakar iŋes ŋiketak ka ŋikatubok ŋikito ke epiini, eboiyete ŋul alokamukumukui ka aneni eya ŋalup ŋuna ajokak aŋuna ka akitare, anerae amina Usia akitare nooi.

Awos. 7:23

Abu Parao toboŋo a nen, tolot kai keŋ, ido abu nyemitak tari ŋakiro ŋun daŋ alotau keŋ.

Ŋakit. 24:27

Kirikak mono etic kon ŋolo alokiŋa daadaŋ, kitemonok mono ŋimanikorin kon, ani nai irikakini, todukok akai kon.

Ŋakit. 24:32

Abu ayoŋ otamatama alotau kaŋ ŋuna abu eŋolik, ido abu oyenu ŋakiro nu alotooma ŋuna abu ayoŋ eŋolik.

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Esek. 34:12

Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Esek. 34:31

Iraakasi iyes ŋamesekin kaŋ, ŋamesekin ŋuna eyoki ayoŋ ka arae ayoŋ Akuj Kus.”

Yoa. 10:3

Ebuni eketen ŋolo ke epuke aŋaar iŋes, iirarete ŋamesekin etoil keŋ, enyarae iŋes ŋamesekin keŋ a ŋirorwa kec, tomia ikes kiŋa.

Ŋikis. 32:46

tolimok ikes tema, “Kirica alotai kus ŋakiro daadaŋ ŋuna akalimok ayoŋ iyes nakoloŋit na akisuuda ŋakiro kus; tolimokisi ikes erae akiciket neni a ŋidwe kus ikotere iwuapyata ikes ejok ŋakiro daadaŋ ŋuna a ŋikisila.

1 Pet. 5:2

Kiyoko ejok ŋamesekin ŋuna erae ŋituŋa ŋulu ikiinakinit Akuj iyes. Nyitiyata ŋun anakitiŋakina, nai anainakina ikwaŋina ecamitor Akuj, meere aŋuna ke eropit ca, nai aŋuna ka acamit akitiya.

1 Sam. 17:28

Kiira Eliab lokaato a Daudi ŋolo apolon Daudi irworosi ka ŋituŋa; toŋo Eliab aŋuna a Daudi kiŋit iŋes tema, “Kaanukiro ibunio iyoŋ itiyaunor ne? Ŋae imyekinia iyoŋ ŋamesekin ŋunakudyo ŋun analoŋisat? Ayeni ayoŋ ŋuna itami iyoŋ akitiyakin ka aronis ŋina eyai lotau kon; anerae itiyaun iyoŋ ne erae akiŋolikin ejie.”