Ŋakit. 26:3 - Ebaibul

³ Erae adaset ŋinakibuŋaet aŋole ka erae arukan ŋina eenere esigirya, ido erae ebela ŋolokibuŋaet ŋibaŋaanotin nakausinei.

Ŋakit. 26:3 Iomraidhean Croise

Ŋikiru. 32:9

Nyibaŋaanar ikwa aŋole, kori aŋole-sigirya ŋuna emetae ka arukan ta auno edokitae, ani emam ŋun nyiwuapete ikes ŋuna ecamit ituŋanan.

Ŋakit. 10:13

Irworo ituŋanan ŋini eyakar ayenut ŋakiro ŋuna ka aosou, nai emetae a ebela ŋulu ebaŋaaka.

Ŋakit. 17:10

Ituŋanan ŋini eyakar ayenut, isirworiuni akirot apei bon ŋina elimokinio iŋes ikotere toesik akitiya aronis, akilo ebaŋ ŋolo idico tari ŋakidicet amiat kiira nai ŋakiro.

Ŋakit. 19:25

Emaikina kisicanae ituŋanan ŋini iturono, ikotere nai ŋibaŋaanotin eyenunete ŋuna kitiya. Ani kisicani ŋikaosok, iirarete ka eyenunete ŋace ŋuna ka aosou.

Ŋakit. 19:29

Itemokinitoe sek akisicanet aŋuna a ŋulu ejamuwarito akiyookino, ido itemokinitoe sek adaset tonom ŋakausinei a ŋibaŋaanotin.

Ŋakit. 27:22

Tari kibuŋae ibaŋaanot kirakar, mam ituŋanan epedori akibuŋaar abaŋao todaun aneni keŋ.

1 Ŋikor. 4:21

Nyaanu ŋuna icamito iyes? Itemokino mono ayoŋ obu neni kus ka adaset, kori a etau a ŋolo ka amina ka akiyapara.

2 Ŋikor. 10:6

Ani nai kidaut iyes akitoodiun atemar ipupete ŋuna ikilimokin, etenio isua akisican daadaŋ ŋulu nyepupete ŋuna elimokinitae ikes.

2 Ŋikor. 13:2

Acamit alimokin iyes ŋulu idaut akisec ŋapakio ŋuna alunyarosi ka ŋuluce daadaŋ; alimunit ayoŋ ŋun paaran apaki ŋina abunitor ayoŋ neni kus abunet ŋina a ŋaarei, nai alimuni ayoŋ nabo ŋakiro ŋunapei ikwapei alwania aneni kus; apaki ŋina abunio ayoŋ nabo neni kus, esicani nooi ŋikasecak ŋul.