Ŋakit. 26:2 - Ebaibul

² Ani kikilam iyoŋ ituŋanan tomam ŋuna itiyat iyoŋ, mam ŋuna aronok itiyakin neni kon, ikokinete ŋilam ŋul aneni kon atasurui ŋulu eporete nyieŋununeete, kori ŋikeny ŋulu irimito.

Ŋakit. 26:2 Iomraidhean Croise

2 Sam. 16:12

Acepaki epedori Ekapolon akiŋolikin ŋican ŋulu aryamunit ayoŋ, ido kinyaŋa Ekapolon ŋakiro kaŋ a ŋakiro aŋuna ajokak, nyisiyook ŋicen lu ŋulu ekecenere ayoŋ nakoloŋit na.”

2 Sam. 16:8

Enyaŋa Ekapolon aneni kus a daadaŋ ŋaokot a ŋituŋa a ekal a Saul a ŋolo ilunyokina iyoŋ lokicoloŋ keŋ akipuka, adau Ekapolon ainakin apukan neni ka Abusalom a lokoku kon. Kiŋolik iryamu tokona iyoŋ ŋican, anerae idaunit iyoŋ akiar ŋituŋa.”

Neem. 13:2

anerae apotu ikes nyisiryama Ŋisirael a ŋamugati ka ŋakipi, nai apotu kipaŋgata Baalam ikotere iceni Ŋisirael, kikote neni daŋ, abu Akuj kibelek ŋicen ŋulu acamito ikes Balaam tolimu, kituruwo arereŋu.

Ŋikiru. 109:28

Kimyek ikes kilamanaros, nai ikiterereŋi iyoŋ ayoŋ. kimyek ŋimoe kaŋ kisurumae ŋileec; nai kimyekinae ayoŋ eketiyan kon olelyan.

Ŋakit. 27:8

Ituŋanan ŋini eoliyori alore keŋ, ikwaan ka ikenyit ŋini eoliyori alokai keŋ.

Isa. 16:2

Etubonorosi ŋituŋa a Moab alodoketa a aŋolol Arinon, etubonorosi ikes esibito ŋikyeny eporete car, etubonorosi ikes esibito ŋicwi ŋulu ealar alokai.

Ekim. 23:8

Ekokini ayoŋ eceni ŋini nyecamit Akuj akicen ai? Ekokini ayoŋ esitakini ŋini nyecamit Akuj akisitakin ai?

1 Sam. 17:43

Kiŋit Epilistait ŋol Daudi tema, “Arae mono ayoŋ eŋok ibunit iyoŋ neni kaŋ a ŋibelae a?” Togatak Epilistait ŋol Daudi ŋuna aronok, elimit ŋakujo keŋ.