Ŋakit. 26:12 - Ebaibul

¹² Iŋolikinit mono iyoŋ ituŋanan ŋini itooso anakonyen a? Ejok ibaŋaanot nooi akilo ituŋanan ŋin.

Ŋakit. 26:12 Iomraidhean Croise

Ŋakit. 12:15

Etamete ŋibaŋaanotin atemar iyookino ŋuna iwuapito ikes, nai iiranarete ŋikaosok ŋakiro ŋuna elimokinio atemar toesikisi, kori kitiyata.

Ŋakit. 22:29

Ianyunit mono iyoŋ ituŋanan ŋini epiiryana alotic keŋ a? Eruwor ituŋanan ŋini ikoni nen ŋini itiyae neni a ŋirwosi, nyiruwor ituŋanan ŋini ikoni nen ŋini itiyae neni a ŋituŋa car.

Ŋakit. 26:16

Itooso ibaŋaanot anakonyen keŋ, etami atemar iloit iŋes ŋituŋa ŋikanikaarei ŋulu elimunete ŋakiro pa imunonito.

Ŋakit. 26:5

Toboŋok ŋibaŋaanotin ŋakiro alopite a ŋolo ka abaŋao kec, ikotere nai ikes eyenunete atemar nyeosok ikes lopite ŋolo etamiata ikes.

Ŋakit. 28:11

Etami ituŋanan ŋini abaran atemar erae iŋes ŋini eos, nai itoodiunit alopitesyo keŋ ituŋanan ŋini ekulyakana atemar eos iŋes.

Ŋakit. 28:26

Ituŋanan ŋini ikinyomit apiiryanut a ŋatameta keŋ, erae ibaŋaanot; nai iŋes ŋini iwuapit ŋuna ka aosou keŋ, eruwor ŋini eiuna bon.

Ŋakit. 29:20

Ianyunit mono iyoŋ ituŋanan ŋini iburiburi akirworo atipei a? Eyakar ibaŋaanot akigeno ŋina iloit ŋina a ituŋanan a ŋini iburiburi akirworo atipei.

Ŋakit. 3:7

Nyitusubana anakonyen kon ŋini ios; kitopoloorite Ekapolon ka toesik aronis.

Isa. 5:21

Ekaŋ, iyes ŋulu itamete atemar iosok ka ŋulu itamete atemar epiiryaka ŋakonyen!

Mat. 21:31

Ali alosapa a ŋuluarei a ŋul abu kitiya ŋuna acamit papa keŋ?” Toboŋokis ŋituŋa temasi, “Ŋolo apolon.” Tolimok Yesu ikes tema, “Akalimokini ayoŋ iyes kire atemar, elomarete ŋikerirak ocur ka ŋamalaae Napukan ka Akuj eriŋa iyes.

Luk. 18:11

“Towo Eparisayot kilip nenipei keŋ bon tema, ‘Akuj, alakara ayoŋ neni kon, anerae nyikikwaan ayoŋ ka ŋituŋa ŋuluce, ŋikademanarak, ŋikokolak, ŋikalomak, kori daŋ ikwa ekeriran ocur ŋol.

Luk. 7:44

Tosodi toboboŋ Yesu neni ka aberu, tolimok Simoni tema, “Ite iyoŋ aberu na a? Abu ayoŋ olomu kai kon, ibu iyoŋ nyikiinak ayoŋ ŋakipi ŋuna kilotaret ŋakaakejen, nai etapapal iŋes ŋakaakejen a ŋakiyo keŋ ka aninaiya a ŋitim keŋ.

Yoa. 9:41

Tolimok Yesu ikes tema, “Kerae tomudukaka iyes, kemam iyes asecit; nai aŋuna irworotor atemar ‘Ikite,’ irubakinito iyes irae ŋikasecak.”

Ŋirom. 12:16

Kiboiyoto ka ŋituŋa daadaŋ irae ŋipei. Nyiturosi, nai tocamutu ŋiticisyo ŋulu ka akitiditeuna. Nyitamete atemar kori iosok iyes.

Akis. 3:17

Anerae ibala iyoŋ, ‘Abarit, ayakar ibore daadaŋ ka emam ibore eitanit.’ Nai nyiyeni iyoŋ atemar icana, irae ekaŋipapan, ekulyakit, emudukanot ka ileri.