Ŋakit. 25:5 - Ebaibul

⁵ Ani kelemar ŋituŋa ŋulu aronok aneni a erwosit, ipukae erwosit ejok anakiyookino.

Ŋakit. 25:5 Iomraidhean Croise

1 Ŋirw. 2:33

Elipi ayoŋ min asecit ŋina abukorere ŋaokot kec nakou a Yoab ka ŋiletok keŋ ŋikaru ka ŋikaru. Nai neni a Daudi ka ŋiletok keŋ ka ekal keŋ ta apukan keŋ, elipi min ekisil a Ekapolon ŋikaru ka ŋikaru.”

1 Ŋirw. 2:45

Nai eketerereŋio ayoŋ erwosit, ido itogogoŋio apukan a Daudi ŋina erubakini ejok aneni a Ekapolon ŋikaru ka ŋikaru.”

1 Ŋirw. 2:46

Tolimok nai erwosit Benaia lokoku a Yekoiyada alosit akiar Simei, ido abu tolot kicum Simei toar. Aŋun, abu apukan kisyakin egogoŋ erae Solomon ipukat.

Esta 7:10

Aŋun, apotu ŋituŋa kinenekis Aman nakito ŋuna abu iŋes todupak akinenekin Moridekai. Totikiun nai anyunyura a erwosit.

Ŋakit. 16:12

Erae asiilyo aneni a ŋirwosi akitiya aronis, anerae akiyookino iŋes itogogoŋi apukan.

Ŋakit. 20:28

Epedorete amina ka akikinyoma akiturubakin erwosit ipukat emam ŋace, iturubakini akiyookino iŋes eyai lokicoloŋ emam ŋican.

Ŋakit. 20:8

Ani kiboikin erwosit lokicoloŋ keŋ ŋolo ipukator ecamit akitub ŋakiro, epedori ayenun ŋakiro ŋuna aronok anakitere epite ŋolo eyakatar ŋituŋa.

Ŋakit. 25:6

Nyitopoloor bon alokiŋaren erwosit, kori nyimina alosenen akiwo neni ewoeniata ŋikapolok;

Ŋakit. 29:14

Ani ketuboki erwosit ŋikulyakanotin pa itoroniyarit, eyakaun apukan keŋ emam ŋace apaki ŋina aoyan.

Isa. 16:5

eruwor nai ipei a ŋiletok a Daudi erwosit, ipukae iŋes ŋituŋa ka amina a ŋina nyiryaŋiryaŋa, eruwor iŋes erwosit ŋolo ipukat anakiyookino ekepukan ŋolo iwarit akiyookino ŋolo iburiburi atipei akitiya ŋuna iyookino.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.