Ŋakit. 25:28 - Ebaibul

²⁸ Ituŋanan ŋini nyiyokiuno bon, ikwaan ka etaun ŋolo keukonor arwatata ŋina sek eiunit iŋes.

Ŋakit. 25:28 Iomraidhean Croise

2 Ŋakiro a ŋirwa 32:5

Abu nai Esekia kisitiya ŋituŋa ka agogoŋu. Kitemonokis neni amunaara anarwatata daadaŋ, todukonokis narwatata ŋaduketa ŋuna aoyak ka todukokis arwatata ace kiŋa ŋinaŋorot sek, kititioto nabo akititis ŋina ayai lotaun a Daudi. Abu daŋ Esekia kitiyau ŋakwaaras ka ŋaupala ŋuna alalak nooi.

Neem. 1:3

Okoboŋokis ikes ayoŋ temasi, “Ŋipiya ŋulu eya ama Yudaya, ŋulu aponi nyerikor, eyakasi locan ŋulu apolok ka loleec; aritaasi ŋimoe arwatata ŋina a Yerusalem ka amunaasi ŋipukei keŋ ka akim.”

Ŋakit. 16:32

Ejok ituŋanan ŋini nyeŋoyenene atipei, iloit iŋes tari ŋikagogoŋok, ejok ituŋanan iuryari aŋoit nyemin neni keŋ atipei, iloit iŋes tari ŋini itiji etaun kikama.

Ŋakit. 19:18

Toramenenee ikoku kon eriŋa edit eyakar apaki ŋina epedorya ayenun ka akiirar ŋakiro, nyiwuak lotau kon atemar ketwana daŋ, nyamisit ayoŋ.

Ŋakit. 19:19

Ituŋanan ŋini eryenyaana ka toŋoana atipei, eryamuni ŋican aŋuna ka aryenyeo ka aŋoanu keŋ, ani kiu iyoŋ ituŋanan ŋin alocan, emaikina toiu nabo.

Ŋakit. 22:24

Nyicamu aruwor ekone a ituŋanan a ŋini enyunyurana, nyicamu arukit ka ituŋanan idio ŋini eŋoana,

1 Sam. 20:30

Toŋo nooi Saul aŋuna a Yonasan, tema Saul neni a Yonasan, “Iyoŋ lo, lokoku ka aberu a ŋina aronon ka aŋina nyepupi ŋakiro! Ayeni ayoŋ atemar iriito iyoŋ ka lokoku a Yese, akisuruma ŋileec bon ka akisurum aberu ŋina ikidouni iyoŋ ŋileec!

1 Sam. 25:17

Totamatama mono iyoŋ tokona, ido toanyu ŋuna kitiyakina, anerae atubut ŋituŋa akitiya aronis neni a ekapolon yok ka neni a ŋituŋa a ekal keŋ daadaŋ. Erae ekapolon yok ituŋanan ŋini aronon, ŋini emam nyepupi ŋakiro a ŋituŋa a ŋuluce.”