Ŋakit. 25:18 - Ebaibul

¹⁸ Esuuda ŋolo irworo alyokonu neni a ikidunyet keŋ, ikoni iŋes erono abiro ŋinajiet, kori ekileŋ ŋolojiet, kori ekaleŋeleŋet ŋolo akwanan ŋolojiet.

Ŋakit. 25:18 Iomraidhean Croise

Ŋikiru. 140:3

Itiitanito ikes ŋaŋajepa kec ikwa ŋuna a ŋimuno, ŋakiro ŋuna irworosi ikes erae ŋuna aarak, ikote akisorit ŋina ka akipom.

Ŋikiru. 52:2

Ituki iyoŋ ŋakiro ŋuna ka amunyar ŋuluce; ikwaan ŋakiro kon ka ebanyet ŋolo ipenitae ejok, itamatamae akitiya ŋuna aronok bon.

Ŋikiru. 55:21

Ejokak ŋakiro ŋuna irworo iŋes, nai eyai ediŋet lotau keŋ; ejokak ŋakiro ŋuna irworo iŋes, nai ikiarete ikwa ŋileŋia ŋulu elemunitae anakuraroi.

Ŋikiru. 57:4

Ayai ayoŋ kidiŋ ŋiŋatunyo; ŋiŋatunyo ŋulu anyamak ŋituŋa; ekwaka ŋikyal kec ikote ŋakwaaras ka ŋikaleŋeleŋe ekwaka ŋaŋajepa kec ikote ŋileŋia.

Awos. 20:16

“Nyisudo ŋakiro neni a ŋikidunyet kus.

Ŋakit. 12:18

Epatana ŋakiro ŋuna irworoe car akiumiyar ituŋanan lopite ŋolo ikiduŋio ekileŋ, nai ikisirworiunete ŋakiro ŋuna irworosi ŋikaosok.

Ŋakit. 24:28

Nyiruwor esuuda ŋolo irworo imanit ikidunyet kon emam ŋakiro iŋoitotor ka iŋes, nyirwor neni keŋ ŋakiro ŋuna erae alyokonu.

Ŋakit. 25:17

Nyiropi a ŋinakoloŋit kai a ikidunyet kon, acepaki eŋoi ikidunyet kon ikiremokin iyoŋ.

Yer. 9:3

Ekudito ikes ŋaŋajepa kec ikwa akau a ŋikaleŋeleŋe; apolout ikes anakwap erae ŋulu egogoŋ anakitiya ŋuna ka amodiyo, meere anakitiya ŋuna iyookino; anerae erubakinito ikes itiyaete aronis jik, ido nyakayenete ikes ayoŋ.

Yer. 9:8

Ekudito ikes ŋaŋajepa kec ikwa akau a ŋikaleŋeleŋe, irworosi ŋaŋajepa kec alyokonu jik, irworosi ikes daadaŋ ŋakiro ŋuna ka akoneo neni a ŋikidunyet kec, nai alotai kec eyeete ikes ŋuna ka adapun ŋikidunyet kec.

Yak. 3:6

Ikoni aŋajep daŋ akim. Erae iŋes alope ka aronis anakuwan. Emunauni akuwan daadaŋ, iwuakini akiyar daadaŋ ŋina a ituŋanan tooma nakim ŋina ebunit anakim a ŋina nyeduŋe.