Ŋakit. 24:5 - Ebaibul

⁵ Itiroko ŋikajiok ŋulu aosok akilo ŋikajiok ŋulu agogoŋok, itiroko ŋikajiok ŋulu eyakatar ayenut akilo ŋikajiok ŋulu agogoŋok;

Ŋakit. 24:5 Iomraidhean Croise

Ŋikiru. 84:7

Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

Ŋakit. 10:29

Erae agogoŋu aneni a ŋulu iyookino akiwuapit ŋuna a Ekapolon, nai erae amunyaro ŋina a ŋulu itiyaete ŋuna aronok.

Ŋakit. 21:22

Epedori ekaoson epei akikamar etaun ŋolo eyakasi ŋikajiok ŋulu agogoŋok epedori iŋes abwaŋabwaŋakin kwap ŋaduketa kec ŋuna sek ikinyomito ikes.

Ŋakit. 24:6

anerae alotooma aosou, ipedori ayenun epite ŋolo itijikinio ŋimoe, ido ani iyakar iyoŋ ŋikeŋarakinitok ayere ŋakiro, eyakaun akiloun.

Ŋakit. 8:14

Ikiyakar ayoŋ ŋakiro ŋuna ajokak ka aosou ŋina ileere ejok nooi, ikiyakar ayoŋ ayenut ka agogoŋu.

Ekal. 7:19

Einakini aosou agogoŋu neni a ŋini eos, ido iloi ŋin tari ŋikepukak ŋitomon ŋulu eya lotaun.

Isa. 36:5

Itami iyoŋ atemar erae ŋakiro koŋin isiyookinete ŋuna itami iyoŋ ka agogoŋu alojie a? Ŋae tokona ikinyomit iyoŋ, ikiŋeryo iyoŋ ayoŋ ikimanit?

Isa. 40:31

nai ŋulu idarito Ekapolon, isikiteteunete agogoŋu kec, epororete kidiama a ŋabebenuk ikwa ŋigolei, ekerete, ido nyeupi, elosete, ido nyilelenyi.”

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.