Ŋakit. 24:14 - Ebaibul

¹⁴ Toyenu atemar erae aosou ibore ŋini abobon alotau kon ani kiryamu iyoŋ aosou, iyakaunor iyoŋ alokiŋaren akiyar ŋina ajokan, ido nyedaun akigeno aneni kon.

Ŋakit. 24:14 Iomraidhean Croise

Ŋikiru. 119:103

Ebobok nooi ŋakiro kon eirari ayoŋ, ebobok nooi akilo tari ao inyami!

Ŋikiru. 119:111

Ŋakiro ŋuna itubunit iyoŋ ikes ainakinet kon neni kaŋ ŋikaru ka ŋikaru; ikes erae alelyanu ŋina ke etau kaŋ.

Ŋakit. 16:24

Ebobok ŋakiro ŋuna ajokak ikote akimyet ŋina ka ao, ebobok ikes alotau ka eaunete aŋaleu nakuwan.

Ŋakit. 2:10

Iruwor iyoŋ ŋini ios, ikiinakini aosou iyoŋ alakara.

Ŋakit. 22:18

Eruwor ŋakiro ŋun ŋuna ikitalakarete iyoŋ erae kiric iyoŋ ikes alotau kon, ikiŋarakinete ikes iyoŋ erae kepatana iyoŋ alimunun ikes.

Ŋakit. 23:18

Kire jik eyai akiyar kon ŋina alokiŋaren erae ŋina ejok, emam ibore ikitojoŋoe iyoŋ ayakau ka akigeno.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Mat. 19:21

Tolimok Yesu iŋes tema, “Ani kicamit iyoŋ aruwor ituŋanan ŋini ajokan nooi, tolot togyela ŋiboro ŋulu iyakar iyoŋ daadaŋ tokorak lokulyak, ibu nai ikiwuapak ayoŋ. Iryamuni iyoŋ ebari kon anakuj.”

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.