Ŋakit. 24:13 - Ebaibul

¹³ Ikaakoku, kimuji ao, anerae erae akimuj ŋina ejok, ebob akimyet ŋina eliunitae anakap ka ao.

Ŋakit. 24:13 Iomraidhean Croise

Ŋikiru. 119:103

Ebobok nooi ŋakiro kon eirari ayoŋ, ebobok nooi akilo tari ao inyami!

Ŋikiru. 19:10

Emaikina ikiburite nooi amina ikes akilo egolid, akilo tari egolid ŋolo eliuna ejok nooi; ebobok daŋ ikes akilo ao akilo tari ao ŋina eliuna bon anakap keŋ.

Ŋakit. 16:24

Ebobok ŋakiro ŋuna ajokak ikote akimyet ŋina ka ao, ebobok ikes alotau ka eaunete aŋaleu nakuwan.

Ŋakit. 25:16

Ani kiryamu iyoŋ akimyet ka ao, kimuj ŋina ikitemokin iyoŋ, ani kimuj iyoŋ ŋina alalan nooi, ilekuni.

Ŋakit. 25:27

Nyejok akinyam akimyet ka ao ŋina alalan, kori akiwarit akitopolooro torae bo sek ŋini ipol.

Ŋakit. 27:7

Ani imwonit ituŋanan, eŋeri tari akinyam ao, nai ani enyamit ituŋanan akoro, eboboor tari akimuj ŋina sek edwar.

Eete a Ŋie. 4:11

Ebobok aneni kaŋ ŋakiro ŋuna ilimununui iyoŋ ateran kaŋ, ebobok aneni kaŋ ŋakiro ŋuna irworo iyoŋ ikote ao ka ŋakile, ebob eure a ŋilowi kon ikoni eure a Lebanon.

Eete a Ŋie. 5:1

Abu ayoŋ lomanikor kaŋ, nakaato kaŋ ka ateran kaŋ, adau ayoŋ acunakin eminae ŋolo akukunyon ka ŋikito ŋulu akukunyok, adau ayoŋ akinyam ŋapune ŋuna ka ao kaŋ ka akimyet ŋina ka ao kaŋ, adau ayoŋ akimat epiini kaŋ ka ŋakile kaŋ. Okoe ŋikonei kaŋ, kimuja ka tomata, ibus ŋolominat kaŋ alokidiŋ ŋisorok, ŋuluminan kaŋ, tomata kimwoko.

Isa. 7:15

Apaki ŋina eyenunia iŋes akityak ŋakiro, toŋer aronis ka toseu ajokis, imuji iŋes ŋilaboi ka ao.

Mat. 3:4

Anapit Yoana elou ŋolo etiyaunitae a ŋajul a ŋuna ke ekaal, tonapite arokoba anacir keŋ, kimuji emaase ka ao analoŋisat.

Ŋikat. 14:9

Tosodi nai Samuson togeritu a ŋakan ŋakap ŋuna ayai akimyet a ao, ido enyami tolosi. Ani edoli iŋes neni aya papa keŋ ka toto keŋ, inak ikes daŋ akimyet ŋina ka ao, tonyama ikes daŋ. Nai nyelimokina iŋes ikes atemar alemuni iŋes akimyet ŋina ka ao alogogol a iŋatuny a ŋini sek abu iŋes toar.

1 Sam. 14:27

Nai pa kiirarit Yonasan elimokini papa keŋ ŋituŋa ŋuna a ŋicen, aŋun, abu iŋes kicum ao a ebela a ŋolo atiŋit iŋes, kiwuak ao nakan tonyam, ido abu tojoŋo akilelenyit iŋes.