Ŋakit. 23:7 - Ebaibul

⁷ aŋuna eraakar iŋes ituŋanan ŋini erimaana, ŋini etamatamae a ŋinapaki etyae ŋolo egyelitor iŋes akimuj ŋin. Epedori iŋes alimokin iyoŋ ebe, “Kimuj ka tomat,” nai ŋuna etami iŋes alotau keŋ aŋuna kon, erae ŋuna aronok.

Ŋakit. 23:7 Iomraidhean Croise

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋikiru. 55:21

Ejokak ŋakiro ŋuna irworo iŋes, nai eyai ediŋet lotau keŋ; ejokak ŋakiro ŋuna irworo iŋes, nai ikiarete ikwa ŋileŋia ŋulu elemunitae anakuraroi.

Ŋakit. 19:22

Ibore ŋini iitana aneni a ituŋanan iŋes amina, ido ejok araakau ikulyakit akilo araakau ikalyokonon.

Ŋakit. 26:23

Ituŋanan ŋini itojoka irworo nai toyakar ŋiman lotau keŋ, ikwaan ka eraŋgi ŋolo ebusan ŋolo iwosakinitae namot.

Ŋakit. 26:24

Ituŋanan ŋini a ŋisoswae, epedori akirap aronis keŋ alorwa keŋ, nai tooma lotau keŋ, ileleba ŋiman.

Ŋakit. 26:25

Ani kirwor emoit kon neni kon itojoka nooi, nyinup ŋakiro keŋ, anerae ileleba lotau keŋ ŋiman ŋulu eŋoitor iŋes nooi.

Dan. 11:27

Iboikinosi iwapei ŋirwosi ŋuluarei ŋul ŋulu iwuakinito ŋuna aronok natameta kec, ido kirworo emodyanakin make. Nai mam ibore itiyakin anakiro a ŋuna eyeete ikes, anerae ebuni asalunet anapaki a ŋina itemokinitoe.

Luk. 7:39

Ani iŋolikini Eparisayot ŋolo anyarit Yesu nakimuj ŋakiro ŋun, abu totamak bon tema, “Kerae kire torae ekile lo ekadwaran, keyeni atemar aniberu na ŋina etapit iŋes na; nabo keyeni atemar erae iŋes akasecan!”

Ŋikat. 16:15

Tema nai Delila neni a Samuson, “Kaanukiro ibaakar iyoŋ ayoŋ ebe, ‘Akamina ayoŋ iyoŋ’ tomam bo etau kon aneni kaŋ? Ikijamuwa iyoŋ ayoŋ, adol tokona ŋarwa ŋauni ka nyelimokina iyoŋ ayoŋ ibore ŋini ikiinit iyoŋ agogoŋu kon ŋina apolon.”