Ŋakit. 23:31 - Ebaibul

³¹ Nyikiburak epiini iŋolikini ereŋ puu, ekulae alokopo ka ilikori emam ŋace.

Ŋakit. 23:31 Iomraidhean Croise

2 Sam. 11:2

Apeikoloŋit esoŋakini akoloŋ, tonyou Daudi alokitaada keŋ, tolot todoka kidiama akai keŋ neni alapat, ido ca elosi a nen irimit. Alokidiama a nen, kebu iŋes kiŋoliya kwap, kiŋolik aberu iloŋa. Ebus aberu ŋin nooi,

Yob 33:1

Tema nai Eliu “Okoe Yob, kiira tokona ŋuna alimuni ayoŋ, topupok ŋakiro kaŋ daadaŋ.

Ŋikiru. 119:37

Nyikimyek ayoŋ amitakinit ŋiboro ŋulu erae ŋikoŋinae; inakinae ayoŋ akiyar anakiwuapit akirot kon.

Ŋakit. 6:25

Nyicamu etau kon etemari ibus akaloman ŋin, nyicamu akibuses a ŋakiir keŋ ikisupari iyoŋ.

Eete a Ŋie. 7:9

Kikwaanikin abobou a akituk kon ka epiini ŋolo abobon, ŋolo elosi nakook iyapara toleleya alopon ka alokyal.

Mar. 9:47

Ani kikitesec iyoŋ akonikoŋu, togoro todita; ejok iyoŋ alomar Napukan ka Akuj emam apeikoŋu, akilo iyoŋ ayakau ŋakonyen ŋaarei, nai itocakakin nakim ŋina nyeduŋe;

Ŋiep. 5:18

Nyimerakinosi a ŋagwe a ŋuna epedorete amunaar iyes, nai tocamakisi Etau ŋolo ka Akuj kilelebikin neni kus.

1 Yoa. 2:16

Anerae ŋinibore daadaŋ eyai nakwap, ekibure ŋolo ka akuwan ka ekibure ŋolo a ŋakonyen, ta akituro ŋina ka akiyar, nyerae ŋulu a Papa; nai erae ŋulu ka akwap.