Ŋakit. 23:29 - Ebaibul

²⁹ Ŋae mono eyakar asiliyorit? Ŋae mono eyakar akiyaloloŋ? Ŋae mono isyaanakini a ŋina paki ayaun ŋican? Ŋae mono iŋuruŋura a ŋinapaki? Ŋae mono eyakar ŋaruma ŋuna emam ŋakiro idicitere? Ŋae mono eyakar ŋakonyen ŋuna areŋak?

Ŋakit. 23:29 Iomraidhean Croise

Akisy. 19:33

Kitamata ikes papa kec epiini akoloŋit ŋin nakwaare, kisyau ŋina apolon tolot neni a papa keŋ kiryamakin ka iŋes pa eyeni papa keŋ apaki ŋina keperyo apese ŋin nen ka ŋina kenyounio tolot.

Akisy. 49:12

Ereŋiata ŋakonyen keŋ aŋuna a epiini, ekwaŋiata ŋikyal keŋ aŋuna a ŋakile.

2 Sam. 11:13

Tonyarau nai Daudi Uria akimuj ka akimat kaapei ka iŋes, ido abu Daudi kitemerak Uria; ani ewari, tolot Uria akiper lokitaada keŋ neni aya ŋiketiyak a ekapolon keŋ ŋuluce, abu iŋes nyelot kai keŋ.

2 Sam. 13:28

Kicik Abusalom ŋiketiyak keŋ tema, “Kiirasi! Ani emerakin Aminon nooi kedau akimat epiini, apaki ŋina akalimokinia ayoŋ iyes ebe, ‘Toara Aminon,’ emaikina iyes toara iŋes. Nyikuryaketa, meere mono ayoŋ abala iyes toara a?”

Ŋakit. 20:1

Ituruwori akimat epiini ŋolo alalan ituŋanan ibaŋaanot, ituruwori akimat ŋagwe ŋuna alalak nooi ituŋanan ikacalan, ituŋanan daadaŋ ŋini itali akimat epiini, kori ŋagwe, erae ŋini nyeos.

Ŋakit. 23:20

Nyilot arukit ka ŋituŋa ŋulu amatak epiini, kori nyiloma lotuŋa ŋulu adakanak ŋulu enyamaka akiriŋ,

Ŋakit. 23:21

anerae eruwor ŋikamerak ka ŋikadanak ŋituŋa ŋulu a ŋican; iruwori iyoŋ ituŋanan ŋini inapit ŋaraco erae kerae etic kon akimuj ka akiper bon.

Isa. 5:11

Ekaŋ iyes ŋulu ikyenyununeete taparacu sek, aŋuna ka akiwarit ŋagwe ŋuna adwarak, iyes ŋulu ideŋonorosi eboŋ tari ŋina imerakinotor.

Isa. 5:22

Ekaŋ iyes ŋipiuno a epiini, iyes ŋulu idedeŋ nyikerito akinyal ŋagwe,

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Ŋiep. 5:18

Nyimerakinosi a ŋagwe a ŋuna epedorete amunaar iyes, nai tocamakisi Etau ŋolo ka Akuj kilelebikin neni kus.