Ŋakit. 23:17 - Ebaibul

¹⁷ Kiurya nyiburakis etau kon ŋuna itiyaete ŋikasecak, nai torubak a ŋinapaki itopoloorit Ekapolon.

Ŋakit. 23:17 Iomraidhean Croise

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋakit. 15:16

Ejok ayakau ka ibore idio cici kitopoloorite Ekapolon, akilo ayakau ka ebari toyai locan.

Ŋakit. 24:1

Nyicamu eterekune eyakaun neni kon aŋuna a ŋulu aronok, kori ekibure ŋolo ka arukit ka ikes eyakaun neni kon,

Ŋakit. 24:19

Nyiyaloloŋ aŋuna a ituŋanan a ŋini itiyae aronis, kori nyicamu eterekune emini neni kon aŋuna a ituŋanan a ŋini aronon;

Ŋakit. 24:21

Ikaakoku, kitopoloorite Ekapolon ka erwosit, nyicamu akimorikin ka ŋituŋa ŋulu eŋerito Ekapolon, kori erwosit;

Ŋakit. 28:14

Elakara a ŋinapaki ituŋanan ŋini itopoloorit Ekapolon, nai ituŋanan ŋini itogogoŋit akou keŋ, elomari locan.

Ŋakit. 3:31

Nyirakaaniar aŋuna a ŋiryenyaanotin, nyicamu akiwuap ŋuna itiyaete ikes;

Ekal. 5:6

Nyicamak akituk kon ikirikori iyoŋ nasecit, ido tolimok iyoŋ eketiyan ŋolo ka Akuj ebe, “Pa eredakini ayoŋ akitiya.” Kaanukiro emaikina Akuj eŋoi a ŋakiro a ŋuna irworo iyoŋ, ido kitoŋopiya ŋiticisyo ŋulu idau iyoŋ akitiya?

Ekal. 5:7

Ani elalak ŋakirujaeta elalaketa ŋakiro ŋuna ŋakoŋinae; nai emaikina kitopoloorite Akuj.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.