Ŋakit. 22:9 - Ebaibul

⁹ Eryamuni ituŋanan ŋini emorete ka ŋuluce ŋiboro ŋulu eyakar arereŋu, anerae emorete iŋes ka ŋikulyakanotin akimuj keŋ.

Ŋakit. 22:9 Iomraidhean Croise

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋakit. 11:17

Ituŋanan ŋini erimaana, eryamuni ŋuna ajokak nai eaunete ŋiryenyaanotin ŋican nawat kec.

Ŋakit. 11:25

Itabaryo nooi ituŋanan ŋini einanakini ŋuluce ibore ŋini eyakar iŋes, iŋes ŋini iŋaranakini ŋuluce a ibore a ŋini eyakar, iŋarakinio.

Ŋakit. 11:27

Ituŋanan ŋini elelakinit akiwarit ajokis, eryamuni ajokis, nai ebuni aronis neni a ituŋanan a ŋini iwarit aronis.

Ŋakit. 14:21

Erae ŋikasecak ŋituŋa ŋulu ejamuwarito ŋikidunyet kec, nai erereŋ ŋituŋa ŋulu itoodiunito arimao neni a ŋikulyak.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Ŋakit. 21:13

Ani kiŋer iyoŋ akiirar ŋakiro ŋuna ilipatar ŋikulyak ibore aneni kon, iruwor iyoŋ ŋini ilipanar, ido emam ituŋanan ecamuni akiirar ŋakiro ŋuna ilipar iyoŋ.

Ŋakit. 28:24

Ituŋanan ŋini ekokoe ŋiboro a papa keŋ, kori a toto keŋ, ido tema, “Nyerae ŋun asecit,” erae iŋes irukitos a ŋulu amunyarak.

Ŋakit. 28:27

Ituŋanan ŋini einanakini ŋikulyak ibore, mam nyeruwor ŋini ecanana, nai ŋini nyemisit akiŋarakin ŋikulyak eryamuni ŋican ŋulu alalak.

Ŋakit. 31:20

Einanakini ŋiboro keŋ neni a ŋikulyak, iŋaranakini ŋulu iitanito akiŋarakino.

Isa. 32:8

Nai eyeete ŋikapolok ŋakiro ŋuna apolok, ido anakiro aŋuna apolok a ŋun, erubakinete ikes erae ŋikapolok.

Mat. 20:15

Amamukar mono ayoŋ apedori ŋinakisitiyaet ŋiboro kaŋ ikwaŋina acamitor a? Kori eyai iyoŋ arakao aŋuna ka arimaanut kaŋ?’”

Mar. 7:22

elomi, akiŋobel, aronis, amodiyo, ekibure ŋolo aronon, arakao, akiyany, akisupa, abaŋao;

Luk. 14:13

Nai ani itemokini iyoŋ akimuj, tonyarau ŋikulyak, ŋikecodok, ŋikaŋwalak ka ŋimudukanotin.

Ŋitic. 20:35

Eketoodik ayoŋ iyes alopitesyo a daadaŋ atemar itemokino ŋinituŋanan kitiya ka agogoŋu, ikotere epedori akiŋarakin ŋulu epalag anatamunit ŋakiro ŋuna abala Ekapolon Yesu, ‘Eyai arereŋu nooi nainanakin akilo naryamunun.’ ”

Ŋikis. 28:56

Aberu daŋ ŋina sek ejok nooi ka erimaana anaberu kus, ŋina pa erimonori iwace aŋuna ayakar ibore daadaŋ, imiki lokile keŋ ŋolominat akimuj, tari lokoku keŋ a alope ka nakoku keŋ a alope,

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.

1 Pet. 4:9

Kijaununos alorerya kus make emam eŋuriŋur.