Ŋakit. 22:6 - Ebaibul

⁶ Kitatam ikoku eriŋa edit akiwuap ŋuna iyookino, ikotere ani epolouni, nyimyek akiwuapit ŋun.

Ŋakit. 22:6 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Ŋiep. 6:4

Atapapa, nyitoŋoa ŋidwe kus; nai akilo, kitopoloutu ikes alopitesyo a ŋulu ajokak ka anakitatam ŋuna ke Ekapolon.

Ŋikis. 11:19

Kitatama ŋidwe kus ŋakiro ŋun, kirworo alorerya kus ka aneni daadaŋ iyakaunosi iyes, kirworo ŋun apaki ŋina iperyoto iyes ka ŋina ikyenyuniata.

Ŋikis. 4:9

Nai tocoikinito ka kiricunito akiyar kus, ikotere ŋuna iŋolikis iyes a ŋakonyen kus, nyikimuryakis, kori nyebucar anatameta kus ŋirwa daadaŋ ŋulu ka akiyar kus, kiteyenikisi ŋidwe kus ka ŋidwe a ŋidwe kus.

Ŋikis. 6:7

Tolimonokisi ikes neni a ŋidwe kus, kirworo ŋakiro ŋun neni kec alorerya kus ka aneni daadaŋ iyakaunosi iyes, kirworo ŋun apaki ŋina iperyoto ka ŋina ikyenyuniata.

2 Tim. 3:15

Itamunit iyoŋ atemar ameun ŋinapei eriŋa iyoŋ irae ikoku, iyeni iyoŋ ŋakiro ŋuna igiritae Nakigireta, ŋuna epedorete ainakin iyoŋ aosou ŋina ikirikori naiuno alotooma anupit Yesu Kristo.

Ŋikat. 13:12

Kirworik nai Manoa tema, “Tolimokinae tokona, ani apaki ŋina iyookinotor ŋakiro kon, anukiro emaikina edya kiwuap anakiyar keŋ, nyo emaikina iŋes kitiya?”

1 Sam. 1:28

Aŋun, ainakini tokona ayoŋ iŋes neni ke Ekapolon, ŋirwa daadaŋ ŋulu eyarya iŋes, erae iŋes ŋini einakinitae neni ke Ekapolon.” Aŋun, abu Ana toesik Samuel a nen aŋuna ke Ekapolon.

1 Sam. 2:26

Abu nai edya Samuel topolou italakarit Ekapolon ka ŋituŋa.