Ŋakit. 22:22 - Ebaibul

²² Nyidemanari ŋikulyak ŋiboro kec, anerae ekulyakaka ikes, kori nyiryamu apaki ŋina itoroniyarya a loikiko ituŋanan ŋini emam epite ŋolo eiunor bon.

Ŋakit. 22:22 Iomraidhean Croise

Yob 31:16

“Ani kemikit ayoŋ ŋikulyak ibore ŋini eitanito, kori kesigworit apuserut,

Yob 31:21

ani kesicanit ayoŋ ikoki, anerae ayeni atemar eyakasi loikiiko ŋulu ikiriit ka ayoŋ;

Awos. 23:3

Nyitoodiut daŋ atemar iikinito iyes aloikiiko ekulyakit ŋolo esecit.

Awos. 23:6

Nyimunono aloikiiko ŋakiro ŋuna iyookino apaki ŋina isitakinitere ŋikulyak esecito.

Ŋakit. 21:7

Emunyari aryenyeo a ŋulu aronok ŋulu aronok, anerae eŋerito ikes akiwuap ŋuna iyookino.

Ŋakit. 22:16

Ituŋanan ŋini edemanari ŋikulyak ŋiboro kec aŋuna ka abarya ka ŋini einanakini ŋikabarak ŋiboro keŋ, eruwor ŋul daadaŋ ŋikulyakanotin.

Isa. 10:2

aŋuna ka akiteesikin ŋikulyak akitiya ŋuna iyookino ka alemarya akiyookino alotuŋa kaŋ a ŋulu erae ŋikulyak; itiyaete iyes ŋun aŋuna ka aŋatarya ŋapuseru, ikotere inyamete ŋawat a ŋikokyok.

Esek. 22:29

Adaut ŋituŋa a akwap kec akitiya ŋakiro ŋuna ka ademonu ka akoko; iteryamunito ikes ŋikulyak ka ŋulu eyakatar akiitanit ŋican, adema ikes ŋiboro aneni a ŋigelaanotin etamete atemar mam ŋul ajokis ayakar ŋiboro.

Ŋilep. 19:13

“‘Nyitunae ŋikidunyetkon, kori nyikoko. Nyidid akitac ŋikelejilejak kiwala akwap nyetaca.

Ŋilep. 25:17

Nyitiyata atuna alokidiŋ kus make, nai tokerito Akuj kus. Arae ayoŋ Ekapolon Akuj kus.’

Sakar 7:10

Nyisicanito ŋapuseru, ŋikokyok, ŋigyelaanotin, kori ŋikulyak. Nyitamatamaete alotai kus akitiya ŋuna aronok neni a ŋuluce.’

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Ŋikis. 23:16

Emaikina ikes kiboiyoto kaapei ka iyes anakibois a daadaŋ a ŋina eseunete ikes alotooma edio a ŋitaunio kus, neni ca daadaŋ ecamito ikes akiboiyo, nyisicana ikes.