Ŋakit. 22:17 - Ebaibul

¹⁷ Topupok, ido eketatami ayoŋ iyoŋ ŋakiro ŋuna adaut ŋikaosok akirwor, inakin bon alotau kon akiirar ŋakiro ŋuna etatami ayoŋ.

Ŋakit. 22:17 Iomraidhean Croise

Ŋikiru. 78:1

Topupokisi, okoe ŋituŋa kaŋ, topupokisi ŋakiro ŋuna etatami ayoŋ, topupokisi ŋakiro ŋuna erworo ayoŋ.

Ŋikiru. 90:12

Aŋun, kitatamae isua oyenete atemar euruwuana akiyar kosi, ikotere ikiyakaunor aosou kon anakiyar kosi.

Ŋakit. 1:3

Itatamete ŋakitadapeta nu ituŋanan akiboi erae ŋini aoson ka erae ŋini irworo ŋuna a kire, ŋini iyookino ka ŋini nyeroko ŋuna itiyae daadaŋ.

Ŋakit. 23:12

Inakin alotau kon akiwuap ŋakiro ŋuna ikitatamio, inakin akiirar ŋakiro ŋuna ka aosou.

Ŋakit. 24:23

Erae nu daŋ ŋakiro ŋuna a ŋikaosok, ŋuna itoodiunito amamukau ariit ka ituŋanan ipei itubi ŋakiro.

Ŋakit. 3:1

Ikaakoku, nyikimuryakis ŋakiro ŋuna eketatami ayoŋ iyoŋ, totamunite alotau kon ŋakiciketa kaŋ;

Ekal. 12:11

Ikwaan ŋakiro a ŋikaosok ka ŋamorokin ŋuna eiitaaka ŋuna isitiyaete ŋikeyokok a ŋamesekin akiyokiyo, ikwaan ŋakitadapeta ŋuna igirito ŋikaosok ka ŋisumari ŋulu egogoŋ aneni ibubukinitoe. Erae Akuj abu inak ŋikaosok ŋakiro ŋun, Akuj ŋina erae Ekeyokon yok a daadaŋ.

Ekal. 7:25

Abu nai ayoŋ ewuak ŋatameta kaŋ ayenun, aripiripuun ka akiwarun aosou ta ŋaboŋonokineta ŋuna a ŋakiŋiseta kaŋ. Abu daŋ ayoŋ oyenu atemar erae aronis abaŋao ŋimasimas.

Ekal. 8:16

Ani ekatakini ayoŋ atamatam ayenun ŋuna ka aosou ka akiŋolikin ŋiticisyo ŋulu itiyao anakwap, ayenun ŋuna nyecamitotor ŋituŋa akieŋun tojotoor naparan, kori nakwaare,

Ekal. 8:9

Abu ayoŋ oyenu ŋun daadaŋ apaki ŋina atamya ayoŋ aŋuna ibore a daadaŋ a ŋini itiyao anakwap a na a ŋina eyakatar ŋituŋa ŋice ŋapedorosyo, ido isitiyaete ikes ŋapedorosyo ŋun aŋuna ka akiteryamunia ŋituŋa ŋuluce ŋican.”

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Mat. 17:5

Ani eriŋa Petero irworo, bu edou ŋolo akwaŋan kya, torapuwa ikes aribo kirworik etoil alodou ebala, “Erae lo Lokoku kaŋ ŋolo minat, ŋolo alelyania ayoŋ, topupo iŋes!”