Ŋakit. 21:8 - Ebaibul

⁸ Nyileerete ŋakiro ŋuna iwuapito ŋituŋa ŋulu iilit aŋuna ka asecit, nai ejokak nooi ŋipitesyo a ŋituŋa a ŋulu iyookino.

Ŋakit. 21:8 Iomraidhean Croise

Akisy. 6:12

Toanyu Akuj atemar aroketa ŋituŋa, anerae etiya ŋinituŋanan anakwap aronis.

Ŋakit. 15:26

Erae asiilyo aneni a Ekapolon ayere akitiya aronis, nai erae alakara aneni a Ekapolon ayere akitiya ajokis.

Ŋakit. 2:15

erae ikes ŋulu nyiyookino ŋuna itiyaete ka erae ikes ŋulu nyiwuapito ŋuna ejokak.

Ŋakit. 21:9

Ejok akiper kiŋa akai nenilapat, akilo akiper tooma akai kaapei ka aberu ŋina iburana.

Ŋakit. 30:12

Eyakasi ŋituŋa ŋulu itojokasi alorwor kec, nai nyikoŋorito ikes akitiya aronis.

Ekal. 7:29

Ŋuna bon abu ayoŋ oryamu ikes nu: Abu Akuj tosub ŋituŋa erae ŋulu iyookino, nai emyekis ŋituŋa akiyookino, aloto ayere akitiya ŋuna ka alakara ŋuna ecamito ikes akitiya.”

Ekal. 9:3

Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Isa. 26:7

Esulut erot a ŋituŋa a ŋulu iyookino. Okoe Ekapolon ŋolo iyookino, itusulutut iyoŋ erot a ŋulu iyookino.

Isa. 59:8

Nyeyenete ikes ŋuna ke ekisil ka emam akiyookino alorotin kec, nyejokak ŋakiro aneni itorete ikes, ituŋanan ŋini iwuapi ikes nyeyenuni ŋuna a ekisil.

Dan. 12:10

Italeunio, itesegunio ka itojokunio ŋulu alalak, nai erubakinete ŋulu aronok itiyaete aronis. Mam ipei daŋ aneni a ŋulu aronok ŋini eyenuni ŋakiro, nai eyenunete ŋulu aosok.

Mat. 12:33

“Ani kiyakatar iyes ekitoe ŋolo ajokan, ipedorete aryamun ŋaraito ŋuna ajokak, nai ani kiyakatar iyes ekitoe ŋolo aronon, iryamunete ŋaraito ŋuna aronok, anerae eyenen ŋolokitoe anaraito keŋ.

Mat. 5:8

Erereŋ ŋulu esegak ŋitai; anerae eanyunete ikes Akuj.

Ŋitic. 15:9

Abu nyiwuak atyaketait kidiŋ yok ka ikes, nai abu kitesegu ŋitai kec anakisyon ŋasecisya, anerae apotu tonupa.

1 Ŋikor. 3:3

anerae eriŋa ŋipitesyo ŋulu ka aseconu ikipukato iyes. Anerae ani keyai arakao ka ebura kidiŋ kus, nyitoodiunito nai ŋun atemar ikipukato ŋipitesyo ŋulu ka aseconu ka ikwaan iyes ka ŋituŋa ŋuluce a?

Tito 1:15

Esegak ŋiboro daadaŋ aneni a ŋituŋa a ŋulu esegak ikes ŋilopeyek, nai emam ŋiboro esegak aneni a ŋituŋa a ŋulu nyenupito, anerae erae ŋatameta ka ŋitai kec esiilyaka.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

Tito 3:5

abu iŋes ikiu iwon. Pa arae aŋuna a ŋiticisyo a ŋidi a ŋulu ajokak a ŋulu ikitiyat iwon, nai arae aŋuna ka akisyon keŋ ka alope abunio iŋes ikiunia iwon. Abu iŋes ikiu iwon, ikitesegu iwon anakidouno a ŋina a ŋaarei ka ikituruwo iwon ŋulu kitet aneni ke Etau a ŋolo Asegan.

1 Yoa. 2:29

Ani kiyenete iyes atemar iyookino Kristo, toyenete daŋ atemar, ŋini daadaŋ itiyae ŋuna iyookino, erae iŋes ikoku ka Akuj.

1 Yoa. 3:3

Ituŋanan daadaŋ ŋini igeno neni keŋ, iteseguna bon ikwapei esegia Kristo.