Ŋakit. 21:6 - Ebaibul

⁶ Ebari ŋolo eryamuni ituŋanan anakirworo alyokonu, eŋopiyari apaki ŋina euruwuana. nai isyauni mono ebari ŋol arikor iyoŋ napipilu ŋina ka atwanare.

Ŋakit. 21:6 Iomraidhean Croise

Ŋakit. 10:2

Emam ibore ŋini eryamuni ituŋanan alobari a ŋolo eryamununuyo anakitiya aronis, nai ikiuni iyoŋ anatwanare, akiyookino.

Ŋakit. 13:11

Ebari ŋolo eryamunio ka atipei, eŋopiyari atipei, nai ikes ŋulu iasete ebari kec iwadio, iwadio, iatakinete ebari kec tolalaar.

Ŋakit. 20:14

Eminasi ŋikagyelak akiŋuruŋura ebasi “Elal etyae a ŋisiliŋa, elal etyae a ŋisiliŋa!” Nai ani erotokini kegyel ibore, kiturokin aŋuna aŋisiliŋa a ŋulu apiyanun kipigau iŋes ibore.

Ŋakit. 20:21

Ebari ŋolo eryamunio ka atipei anakisyakinet, eruwor ekaku ŋolo nyiterereŋitoe.

Ŋakit. 22:8

Ani kitiyae ituŋanan ŋakiro ŋuna nyiyookino, elomunete ŋican anakiro a ŋun, ido itasalunete ŋatyokisyo ŋun ŋakiro ŋuna isicanitor ituŋanan ŋin ŋuluce.

Ŋakit. 30:8

kiuryarae ayoŋ nyaruwor ŋini alyokono, ido nyikituruwo ayoŋ ŋini akulyakana, kori ŋini abarit nai inakinae ayoŋ akimuj ŋina eitanit a ŋinakoloŋit.

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Esek. 18:31

Togatasi aneni kus aronis daadaŋ ŋina idaut iyes akitiya, toryamutu akiyar ŋina kitete ka ŋatameta ŋunakiet. Okoe Ŋisirael, kaanukiro icamitotor iyes atwakare?

Tito 1:11

Emaikina kiretakinae ikes alorwor kec, anerae eguryakis ikes ŋikalya daadaŋ, aŋuna itatamyata ŋakiro ŋuna nyitemokino kitatamae. Itatamete ikes ŋakiro ŋun aŋuna ca ka aryamunia ŋisiliŋa.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!