Ŋakit. 21:3 - Ebaibul

³ Akitiya ŋuna iyookino ka ŋuna ajokak, erae akitiya ŋuna ecamit Ekapolon ainanakin ŋina epol nooi akilo amuronot neni a Ekapolon.

Ŋakit. 21:3 Iomraidhean Croise

Ŋikiru. 40:7

Abu nai ayoŋ otema, “Ayai ayoŋ ne; igiritae aŋuna kaŋ lokitaabo ŋolo a ŋikisila ebe.

Ŋikiru. 50:8

Meere aŋuna a ŋamuronisya kus eketoŋoitor ayoŋ iyes, kori aŋuna a ŋainakineta kus a ŋuna epeyo a ŋuna iyaunenete iyes kiŋaren kaŋ jwi jwi.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Osea 6:6

anerae acamit ayoŋ aneni kus amina ŋina nyiryaŋiryaŋa, meere amuronot; acamit ayoŋ iyes itoyenut Akuj akilo ayaunun neni keŋ ŋainakineta ŋuna epeyo.

Sakar 7:9

“Ŋakiro ŋuna irworo Ekapolon ŋolo Etiron ikes nu ebe, ‘Emaikina iyes totubo ŋakiro anakiyookino ka kitoodiut arimao ka akisyon neni a ŋinice.

Mar. 12:33

ka aminakin iŋes a etau a daadaŋ ka a ŋatameta a daadaŋ, ta a agogoŋu a daadaŋ; nabo ka aminakin ekidunyet ikwaŋina eminar ituŋanan akeekuwan, iloit ŋipeyosinei ka ŋamuronisya daadaŋ.”

1 Sam. 15:22

Nai toboŋok Samuel Saul tema, “Elakara mono Ekapolon aŋuna a ŋainakineta a ŋuna epeyo ka ŋamuronisya lopite ŋolo elelyania iwuapito ŋituŋa ŋakiro keŋ a? Kiira! Ejok akiwuap ŋakiro a Ekapolon akilo amuronot, ido ejok akipup ŋakiro a Ekapolon akilo ainanakin iŋes asepwae a ŋimeesekin,