Ŋakit. 21:29 - Ebaibul

²⁹ Itusubunun aloreetin ŋituŋa ŋulu aronok erae ŋulu eyenete ŋinibore ejok, nai ŋituŋa ŋulu iyookino, etamakinete mono ejok ŋuna kiwuapa.

Ŋakit. 21:29 Iomraidhean Croise

Ŋikiru. 119:5

Okoe elipi ayoŋ opedo arubakin anakiwuapit ŋakiro kon!

Ŋikiru. 119:59

Ani atamatamae ayoŋ ŋuna a ŋipitesyo kaŋ, aboŋununui ayoŋ ewuap ŋakiro ŋuna itubunit iyoŋ;

Ŋakit. 11:5

Akiyookino a ŋituŋa a ŋulu emam ŋakiro itoroniyaritere, einakini ikes akiboi emam ŋican eryamunito, nai iwarunete ŋulu aronok atwanare kec.

Ŋakit. 28:14

Elakara a ŋinapaki ituŋanan ŋini itopoloorit Ekapolon, nai ituŋanan ŋini itogogoŋit akou keŋ, elomari locan.

Ŋakit. 29:1

Ituŋanan ŋini erubakinit isyaana tari kelimokin atemar toesik akisyaanu, ewana akoloŋit apei todaun tari epite ŋolokitaŋaleunet.

Ŋakit. 4:25

Nyiŋosupae ite ŋinibore, kitee kiŋaren kon bon.

Ŋakit. 4:26

Toye ejok akitiya ŋuna icamit akitiyakin, eruwor ŋuna itiyae iyoŋ daadaŋ ŋuna iyookino.

Ŋakit. 7:13

Abu aberu ŋin totunakin esorokit ŋol tonu, kitek aberu ŋin esorokit ŋolo a ŋakonyen a ŋuna ikisuparete tema neni keŋ,

Ekal. 8:1

Ŋae ikwaan ka ituŋanan ŋini aoson? Ŋae eyeni apolou a ŋinibore? Eyaununui aosou alakara neni a ituŋanan, elemanari aosou anyoridid ŋina sek eŋoitor ituŋanan.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Esek. 18:28

Aŋuna abunio ituŋanan ŋin totamunia ka toŋeryo aronis keŋ daadaŋ ŋina sek etiyat, eyari ituŋanan ŋin kire jik, nyetwani.

Agai 1:5

Aŋun nai tokona, ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Agai 1:7

Ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Agai 2:15

“Nai tokona, ekelipit ayoŋ iyes totamatamata nu nooi alotai kus, ageun akoloŋit na tari ŋirwa ŋulu eponito, totamatamata epite ŋolo eyakaunotor ŋakiro nyedukokina amoru kidiama amoru ŋinace alo Kai ke Ekapolon.

1 Ŋites. 3:11

Ikilipi Akuj Papa elope ka Ekapolon yok Yesu, kitemonok erot aŋuna kosi, ikotere todolunoe isua neni kus!