Ŋakit. 21:12 - Ebaibul

¹² Eyeni Akuj ŋina iyookino ŋakiro ŋuna itiyasi anakais a ŋulu aronok, ido inyipori Akuj ŋulu aronok tomunyaros.

Ŋakit. 21:12 Iomraidhean Croise

Akisy. 19:29

Nai ŋina enyasunia Akuj ŋitaunio ŋulu aya nadipo anakwap a ŋin, abu iŋes tominak Aburaam, ido tolema Lot alotaunio a ŋul apaki ŋina enyasunia ŋitaunio ŋul, ŋulu sek eboiyo Lot ekiŋaren.

Yob 5:3

Eŋolik ayoŋ ŋibaŋaanotin iata ebari kec, nai abu ayoŋ pa eyenete ikes ecen akibois kec.

Yob 8:15

Ani kegwaŋakin ituŋanan kai a asimokok, nyerubakini akai a asimokok eyai neni sek ayai, ani kikam ituŋanan akai a asimokok aŋuna ka aiunor, nyerubakini akai ŋin eyai nen.

Ŋikiru. 107:43

Emaikina ituŋanan daadaŋ ŋini eos topupok ŋakiro ŋun, totamatama ŋuna ka amina; ke Ekapolon a ŋina nyiryaŋiryaŋa.

Ŋikiru. 52:5

Aŋakiro a ŋun, ikimunyari iyoŋ Akuj jik, ikikopori Akuj iyoŋ ikilema alore kon; ikilemari iŋes iyoŋ anakwap a ŋulu eyarete.

Ŋakit. 13:6

Iyokiunit akiyookino ituŋanan ŋini iwuapit ŋuna ka akiyookino, nai elemari asecit ŋulu aronok.

Ŋakit. 14:11

Emunaaryo akai a ituŋanan a ŋini aronon, nai erubakini akai a ituŋanan a ŋini iyookino eyai.

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Ŋakit. 29:16

Ani erae ituŋanan ŋini aronon ipukat ŋuluce, iyatasi ŋakiro ŋuna aronok, nai erubakinete ŋulu iyookino eyarete kiŋolikis ŋulu aronok emunyar.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

1 Ŋikor. 10:5

Nai pa alakara Akuj neni kec a ŋulu alalak, aŋun apotu ŋalyalin kec kiryama aloŋisat.