Ŋakit. 20:25 - Ebaibul

²⁵ Totamatama mono ejok eriŋa iyoŋ nyiikina ainakin Akuj ibore, acepaki itemari iyoŋ ekaku ebe, “Kerae bo nyeikinit daŋ.”

Ŋakit. 20:25 Iomraidhean Croise

Ŋakit. 18:13

Ani keboŋoki ituŋanan ŋakiro eriŋa nyiirara ejok. erae ŋin abaŋao keŋ ka erae ŋileec aneni keŋ.

Ŋakit. 18:7

ŋakiro ŋuna irworosi ŋibaŋaanotin, ikes pei inyasunete ŋibaŋaanotin, ŋakiro ŋuna irworosi ŋibaŋaanotin ikes pei ikamunete ŋibaŋaanotin.

Ekal. 5:2

Nyikirikirak akirworo, kori nyicamak etau kon kikirikirak akiikin akirot alokiŋaren Akuj, anerae eyai Akuj nakuj ka iyai iyoŋ nakwap; aŋun, emaikina ŋakiro ŋuna ilimuni iyoŋ ekudyoko.

Ŋilep. 5:15

“Ani kesec ituŋanan idio alokidiŋ kus nyelemu ainakinet ŋina emaikina inak neni ke Ekapolon, emaikina ituŋanan ŋin yau neni ke Ekapolon alosipan keŋ emesek ŋolo ajokan ŋolo emam neni eŋwalit. Emaikina emesek ŋol erae ŋolo epedoryo akigyel a ŋisilipae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Erae ŋin ainakinet aŋuna ka asecit.

Mat. 5:33

“Nabo ipuput iyes ebe alimokinitae ŋituŋa ŋulu a koloŋ atemar, ‘Nyikoŋ akidiŋ, nai kitiya ŋuna idau iyoŋ akikoŋ neni ka Akuj.’

Ŋikis. 23:22

Nai ani pa kikoŋ iyoŋ ŋadikiro mam ekaile ŋolo ka asecit iryamuni.

Ŋikis. 23:23

Ŋakiro daadaŋ ŋuna ilimuni iyoŋ, emaikina kisiyook jik, ikwapei ibunio iyoŋ kikoŋ neni ke Ekapolon Akuj kon a akituk kon a ilope.

Ŋikis. 23:24

Ani kilot iyoŋ lomanikor a ikidunyet kon ŋolo ke epiini ipedori iyoŋ akinyam ŋaraito a epiini lotyae ŋolo icamit iyoŋ, nai nyiwuak ŋaraito ŋadi loborosit kon ya.

Ŋikat. 21:22

Ani kepotu atapapa kec, kori ŋikaitotoi kec akibura neni kosi elimokinio isua ikes ebe; ‘Torimaaketa, kimyekinae ikes yaasi ŋidwe kus ŋulupesur, anerae nyikamakina isua ikes ŋaberu alojie. Aŋun, nyiyakaunotor iyes ekaile aŋuna ka asecit, anerae nyeinakina iyes ŋidwe kus ŋulupesur neni kec.’ ”