Ŋakit. 2:19 - Ebaibul

¹⁹ Ŋituŋa daadaŋ ŋulu eloseneneete naberu ŋin, nyeboŋuneneete a nen nyiloconokinete daŋ nabo ŋipitesyo ŋulu ka akiyar kec.

Ŋakit. 2:19 Iomraidhean Croise

Ŋikiru. 16:11

Ikitoodik iyoŋ ayoŋ erot ŋolo elosi nakiyar; alelyani ayoŋ nooi aŋuna ikirukitor ka ayoŋ; ani iapi iyoŋ aneni kaŋ, alakara ayoŋ ŋirwa daadaŋ ŋulu ka akiyar kaŋ.

Ŋikiru. 81:12

Aŋun, abu ayoŋ emyek ikes kiwuapa ŋuna acamito ŋitai kec ŋulu esyaak, kiwuapa ŋuna acamito ikes ŋikulepek.

Ŋakit. 4:18

Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

Ŋakit. 5:11

iumeni iyoŋ edoli ŋirwa ŋulu ka atwanare kon, apaki ŋin ŋina einiyaria akuwan kon.

Ŋakit. 5:6

Nyetamakini iŋes akiwuap erot ŋolo ka akiyar eoliyorit iŋes alorot a ŋolo ka akiyar, nai nyeyeni atemar aoliyo.

Ŋakit. 6:32

Ebaŋaana ituŋanan ŋini elosi akilom aberu a ŋinice, ituŋanan ŋini itiyae ŋun, eaunit atwanare nakuwan keŋ.

Ekal. 7:26

Abu ayoŋ oryamu ibore ŋini erono nooi akilo atwanare, iŋes aberu ŋina erae aloketait ŋina erae etau keŋ ŋaunoi ta ŋatibae, aberu ŋina erae ŋakan keŋ ŋiriko. Ituŋanan ŋini elakara Akuj aŋuna keŋ, iŋes bon epedori abucar anaberu a ŋin, nai epedori aberu ŋin amodiun neni keŋ ituŋanan ŋini erae ikasecan.

Yer. 13:23

Epedorete mono ŋituŋa ka Esiopia akilocokin eyakae a ŋawat kec a? kori epedori eris akilocokin ŋameriyek keŋ a? Iŋes atemar iyes daŋ ipedorete akilocokin ŋiticisyo kus ŋulu aronok toruworos ŋulu a jokak.

Osea 4:14

Nyesicani ayoŋ ŋidwe kus aŋuna itiyaata amalao, kori ŋaterak kus ŋuna elomianeneeta ikes, anerae ŋikilyok ŋikulepek ikes eloseneneete namalaae, einanakinete kaapei ka ŋamalaae ŋuna ka akai ka akuj ŋamuronisya. Aŋun, emunyar ŋituŋa ŋulu emam aosou.

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.